ଜୟା ବଚ୍ଚନ ବିଜେପି ବିରୋଧରେ କହିବେ, ମୋ ବିରୋଧରେ କହିବେ ନାହିଁ: ବାବୁଲ ସୁପ୍ରିୟୋ

କୋଲକାତା: ‘ଜୟା ବଚ୍ଚନ ବିଜେପି ବିରୋଧରେ କହିବେ। କିନ୍ତୁ ମୋ ବିରୋଧରେ ଆଦୌ କହିବେ ନାହିଁ।’ ସୋମବାର କେନ୍ଦ୍ର ମନ୍ତ୍ରୀ ତଥା ଟୋଲିଗଞ୍ଜ ବିଧାନସଭା ଆସନରୁ ପ୍ରାର୍ଥୀ ହୋଇଥିବା ବାବୁଲ ସୁପ୍ରିୟୋ ଏହି କଥା କହିଛନ୍ତି। ସମାଜବାଦୀ ସାଂସଦ ଜୟା ବଚ୍ଚନ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ପାଇଁ ପ୍ରଚାର କରିବାକୁ ଆସିଥିବା ବେଳେ ବାବୁଲ ସୁପ୍ରିୟୋ ଏଭଳି ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ତାଙ୍କୁ (ଜୟା ବଚ୍ଚନ) ମୁଁ ପଶ୍ଚିମବଙ୍ଗକୁ ସ୍ୱାଗତ କରୁଛି। ତାଙ୍କ […]

Babul Supriyo

Babul Supriyo

Jitendra Garnayak
  • Published: Monday, 05 April 2021
  • Updated: 05 April 2021, 07:06 PM IST

Sports

Latest News

କୋଲକାତା: ‘ଜୟା ବଚ୍ଚନ ବିଜେପି ବିରୋଧରେ କହିବେ। କିନ୍ତୁ ମୋ ବିରୋଧରେ ଆଦୌ କହିବେ ନାହିଁ।’ ସୋମବାର କେନ୍ଦ୍ର ମନ୍ତ୍ରୀ ତଥା ଟୋଲିଗଞ୍ଜ ବିଧାନସଭା ଆସନରୁ ପ୍ରାର୍ଥୀ ହୋଇଥିବା ବାବୁଲ ସୁପ୍ରିୟୋ ଏହି କଥା କହିଛନ୍ତି। ସମାଜବାଦୀ ସାଂସଦ ଜୟା ବଚ୍ଚନ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ତୃଣମୂଳ କଂଗ୍ରେସ ପାଇଁ ପ୍ରଚାର କରିବାକୁ ଆସିଥିବା ବେଳେ ବାବୁଲ ସୁପ୍ରିୟୋ ଏଭଳି ପ୍ରତିକ୍ରିୟା ଦେଇଛନ୍ତି।

ସେ କହିଛନ୍ତି, ତାଙ୍କୁ (ଜୟା ବଚ୍ଚନ) ମୁଁ ପଶ୍ଚିମବଙ୍ଗକୁ ସ୍ୱାଗତ କରୁଛି। ତାଙ୍କ ସହିତ ମୋର ପାରିବାରିକ ସମ୍ପର୍କ ନାହିଁ। କିନ୍ତୁ ସେ ମୋତେ ଖୁବ୍ ଭଲ ଭାବେ ଜାଣିଛନ୍ତି। ସେ ବିଜେପି ବିରୋଧରେ କହିବେ। କିନ୍ତୁ ମୋ ବିରୋଧରେ ଆଦୌ କହିବେ ନାହିଁ।

ଟୋଲିଗଙ୍ଗ ବିଧାନସଭା ଆସନରୁ ଟିଏମ୍‌ସିର ହେଭିୱେଟ୍ ନେତା ଅରୂପ ବିଶ୍ୱାସ ଛିଡ଼ା ହୋଇଛନ୍ତି। ତାଙ୍କ ପାଇଁ ବି ଜୟା ବଚ୍ଚନ ପ୍ରଚାର କରିବେ ବୋଲି ଟିଏମ୍‌ସି ସୂତ୍ରରୁ ଜଣାପଡ଼ିଛି।

କିଛି ଦିନ ତଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ସମାଜବାଦୀ ପାର୍ଟି ମୁଖ୍ୟ ଅଖିଲେଶ ଯାଦବଙ୍କ ସମେତ ସମସ୍ତ ବିପକ୍ଷ ଦଳର ନେତାଙ୍କୁ ଚିଠି ଲେଖି ବିଜେପି ବିରୋଧରେ ଏକାଠି ହେବାକୁ ଆହ୍ୱାନ ଦେଇଥିଲେ। ତା’ପରେ ଜୟା ଟିଏମ୍‌ସି ପାଇଁ ପ୍ରଚାରକୁ ଆସିଥିବା କୁହାଯାଉଛି।

ପଶ୍ଚିମବଙ୍ଗରେ ମାର୍ଚ୍ଚ ୨୭ରେ ଓ ଏପ୍ରିଲ୍‌ ୧ରେ ପ୍ରଥମ ଦୁଇଟି ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଆସନ୍ତାଲି (ଏପ୍ରିଲ ୬) ତୃତୀୟ ପର୍ଯ୍ୟାୟ ଭୋଟ୍ ଅନୁଷ୍ଠିତ ହେବ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos