ଏଥର ବି ନିର୍ଦ୍ୱନ୍ଦ୍ୱରେ ଜିତିଲେ ଲା‌ଲୁ ପ୍ରସାଦ ଯାଦବ

ପାଟନା: ବିହାରର ପୂର୍ବତନ ମୁଖ୍ୟମନ୍ତ୍ରୀ ଲା‌ଲୁ ପ୍ରସାଦ ଯାଦବ ଦ୍ୱାଦଶ ଥର ପାଇଁ ନିର୍ଦ୍ୱନ୍ଦ୍ୱରେ ଆରଜେଡିର ସଭାପତି ଭାବେ ପୁନଃ ନିର୍ବାଚିତ ହୋଇଛନ୍ତି। କେବଳ ଯାଦବ ଦଳର ସଭାପତି ପଦ ପାଇଁ ଏକମାତ୍ର ପ୍ରତିଦ୍ୱନ୍ଦୀ ଭାବେ  ନାମାଙ୍କନ ପଞ୍ଜିକରଣ କରିଥିଲେ ଏବଂ ତେଣୁ ଦଳର ମୁଖ୍ୟ ଭାବରେ ତାଙ୍କୁ ମନୋନୀତ କରାଯାଇଥିଲା। ନୂଆଦିଲ୍ଲୀରେ ଅନୁଷ୍ଠିତ ଦୁଇ ଦିନିଆ ଜାତୀୟ ସମ୍ମିଳନୀରେ ଏହି ଫଳାଫଳର ଆନୁଷ୍ଠାନିକ ଘୋଷଣା କରାଯାଇଛି।ଅକ୍ଟୋବର ୧୦ରେ କିଡନୀ ପ୍ରତିରୋପଣ ପାଇଁ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ସିଙ୍ଗାପୁର ଯିବା ପୂର୍ବରୁ ଏହି ସଭାର ଆୟୋଜନ  ହୋଇଛି। ଲାଲୁ ଗତ ସେପ୍ଟେମ୍ବର ୨୮ରେ ରାଜଧାନୀ ଦିଲ୍ଲୀରେ  ପାର୍ଟି କାର୍ଯ୍ୟାଳୟରେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ।

ବହୁ କୋଟି ଟଙ୍କାର ଗୋଖାଦ୍ୟ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହେବାପରେ ଯାଦବଙ୍କୁ ଡିସେମ୍ବର ୨୩, ୨୦୧୭ରେ ବିର୍ସା ମୁଣ୍ଡା ଜେଲ୍‌ ପଠାଇ ଦିଆଯାଇଥିଲା। ପରେ ସେ ଜାମିନରେ ଆସି ଚିକିତ୍ସାଧୀନ ଅଛନ୍ତି। ଆରଜେଡି ସୁପ୍ରିମୋଙ୍କୁ ୨୦୧୮ରେ ଗୋଖାଦ୍ୟ ଦୁର୍ନୀତି ମାମଲାରେ ଆଇପିସି ଅଧୀନରେ ୭ ବର୍ଷ ଜେଲ୍‌ଦଣ୍ଡ ଏବଂ ଦୁର୍ନୀତି ନିବାରଣ ଆଇନ ଅଧୀନରେ ୭ ବର୍ଷ ଜେଲ୍‌ ଦଣ୍ଡ ହୋଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।