ଭୋପାଳ: ଉତ୍କଟ ଦାରିଦ୍ର୍ୟର ବିକଳ ରୂପ। ଅଭାବ ଅନଟନ କେମିତି ଜୀବନକୁ ମରିବାକୁ ବାଧ୍ୟ କରିପାରେ ତାର ଏକ କରୁଣ ପରିଣତି ସାମ୍ନାକୁ ଆସିଛି। ପେଟର ଭୋକ ମାରିବାକୁ ଦାନା ନଥିବାରୁ ଜୀବନ ହାରିବାକୁ ଉଦ୍ୟମ କରିଛନ୍ତି ଗୋଟି ପରିବାରର ୬ ଜଣ। ଏହି ୬ ଜଣ ଦାରିଦ୍ରତାର ତାଜନା ସହି ନପାରି ବିଷ ପିଇ ଦେଇଛନ୍ତି। ମଧ୍ୟପ୍ରଦେଶର ଭୋପାଳରୁ ଆସିଛି ଏମିତି ଚିତ୍ର। ପରିବାରର ୬ ଜଣ ବିଷ ପିଇବା ପରେ ଗୁରୁବାର ଜଣକର ମୃତ୍ୟୁ ଘଟିଛି। ମୃତ ପିଲାର ବୟସ ୮ ବର୍ଷ।
୪୦ବର୍ଷୀୟ କିଶୋର ଜାଟଭ ନାମକ ଜଣେ କଣ୍ଟ୍ରାକ୍ଟର ଖଜୁରୀ ଅଞ୍ଚଳରେ ନିଜ ପରିବାର ସହ ରୁହନ୍ତି। ତେବେ ପରିବାର ଆର୍ଥିକ ଅନଟନ ହେତୁ ୬ ଜଣ ବିଷ ପିଇ ଦେଇଥିଲେ। ବୁଧବାର ଜାଟଭ ଏବଂ ତାଙ୍କର ୩୫ ବର୍ଷିୟା ପତ୍ନୀ ସୀତା ତାଙ୍କ ପିଲା କାଞ୍ଚନ (୧୫), ପୁରଭା (୮), ଅନ୍ନୁ (୧୦) ଏବଂ ଅଭୟ (୧୨) ବିଷ ପିଇଦେଇଥିଲେ। ତେବେ ପୁରଭାଙ୍କ ମୃତ୍ୟୁ ଘଟିଛି। ସେମାନଙ୍କ ମଧ୍ୟରୁ ଜଣକର ମୃତ୍ୟୁ ଘଟିଛି। ଅନ୍ୟମାନେ ମେଡିକାଲରେ ଚିକିତ୍ସିତ ହେଉଛନ୍ତି। ପୁଲିସ ଏହି ଘଟଣାରା ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
