ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ନେଇ ବି ଟାଉନ୍ ସମ୍ପର୍କରେ ପ୍ରାୟ ପ୍ରତଦିନ ରୋଚକ ତଥ୍ୟ ଆସିବାରେ ଲାଗିଛି। ମୃତ୍ୟୁ ମାମଲା ସହ ଡ୍ରଗସ ଲିଙ୍କରେ ସୁଶାନ୍ତଙ୍କ ବାନ୍ଧବୀ ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ବା ଏନସିବି ଗିରଫ କରିବା ପରେ ବଲିଉଡର ବହୁ କଳାକାରଙ୍କ ନାଁ ଏଥିରେ ଛନ୍ଦି ହୋଇଯାଇଛି।
ରିଆଙ୍କୁ ପଚରାଉଚରା ବେଳେ ଅଭିନେତ୍ରୀ ସାରା ଅଲ୍ଲୀ ଖାନ୍, ରାକୁଲ୍ ପ୍ରୀତ୍ ସିଂହ, ଚଳଚ୍ଚିତ୍ର ନିର୍ମାତା ମୁକେଶ ଛାବ୍ରା, ଡିଜାଇନର୍ ସିମୋନ୍ ଖମ୍ବଚା ଓ ସୁଶାନ୍ତ ପୂର୍ବ ମ୍ୟାନେଜର୍ ରୋହିଣୀ ଆୟର୍ ଡ୍ରଗ୍ସ ନେଉଥିବା ସେ ଏନସିବିଙ୍କୁ କହିଥିବା ଜଣାପଡ଼ିଛି। ଫଳରେ ରିଆଙ୍କ ପରେ ଏବେ ସାରା ଓ ରାକୁଲଙ୍କୁ ଏନସିବି ନୋଟିସ କରିବ ବୋଳି ଆକଳନ କରାଯାଉଛି।
ଜାତୀୟ ଗଣମାଧ୍ୟମ ସୂଚନା ଅନୁସାରେ, ବଲିଉଡର ବିଭିନ୍ନ ପାର୍ଟିରେ ଏମାନଙ୍କ ସହ ପାଖାପାଖି ପଚିଶ ଜଣ ସେଲିବ୍ରିଟି ଡ୍ରଗ୍ସ ନେଉଥିବା ରିଆ ଏନସିବିକୁ କହିଛନ୍ତି। ଏହା ପରେ ଏନସିବିର ବରିଷ୍ଠ ଅଧିକାରୀମାନଙ୍କ ଏକ ବୈଠକ ବସିଥିଲା। ଡ୍ରଗ୍ସ ଲିଙ୍କରେ ଏମାନେ ସମସ୍ତଙ୍କୁ ନୋଟିସ କରିବାକୁ ନିଷ୍ପତ୍ତି ହୋଇଥିବା ସୂଚନା ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
