ଏବେ ଗାଁ ଭଗବାନଙ୍କ ଭରସାରେ: ରାହୁଲ୍ ଗାନ୍ଧୀ

ନୂଆଦିଲ୍ଲୀ: ସହର ପରେ ଏବେ ବିଭିନ୍ନ ଗାଁରେ କରୋନା ସଂକ୍ରମଣ ବ୍ୟାପିଥିବା ସୂଚନା ରହିଛି। ଏହାକୁ ନେଇ କଂଗ୍ରେସ ନେତା ରାହୁଲ୍ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଛନ୍ତି। ଗାଁରେ କିଭଳି କୋଭିଡ ମୁକାବିଲା କରିହେବ ସେ ନେଇ ପ୍ରଧାନମନ୍ତ୍ରୀ ତତ୍ପରତା ଦେଖାଉ ନାହାନ୍ତି ବୋଲି ରାହୁଲ୍ କହିଛନ୍ତି।

ସେ ଟ୍ୱିଟ୍ କରି କହିଛନ୍ତି, ସହର ପରେ ଏବେ ଗାଁ ମୁହାଁ ହୋଇଛି କରୋନା। ଏବେ ସମସ୍ତେ ଭଗବାନଙ୍କ ଭରସାରେ। ଏହା ପୂର୍ବରୁ ରାହୁଲ୍ ଗାନ୍ଧୀ ଟ୍ୱିଟ୍ କରି କହିଥିଲେ ଯେ ଦେଶକୁ ପ୍ରଧାନମନ୍ତ୍ରୀଙ୍କ ନୂଆ ଘର ଦରକାର ନାହିଁ। କିନ୍ତୁ ଅକ୍ସିଜେନ ଯାହାକି ଏବେର ସ୍ଥିତିରେ ଲୋକଙ୍କ ଜୀବନ ରକ୍ଷକ ପାଲଟିଛି ତାହା ଦରକାର।

https://twitter.com/RahulGandhi/status/1391344046342348803?s=20

ସୂଚନାଯୋଗ୍ୟ, ଗତ ୨୪ ଘଣ୍ଟା ମଧ୍ୟରେ ଦେଶରେ ୪,୦୩,୭୩୮ ଜଣ କରୋନାରେ ସଂକ୍ରମିତ ହୋଇଥିବା ସ୍ୱାସ୍ଥ୍ୟ ମନ୍ତ୍ରାଳୟ କହିଛି। ଆଉ ଏହି ଅବଧି ମଧ୍ୟରେ ୪,୦୯୨ ଜଣଙ୍କର ମୃତ୍ୟୁ ଘଟିଛି। ଦେଶରେ ମୋଟ ମାମଲା ୨,୨୨,୯୬,୪୧୪ ରହିଛି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ କହିଛି। ମେ ୧ ପରେ ପଞ୍ଚମ ଥର ପାଇଁ ଗତ ୨୪ ଘଣ୍ଟା ମଧ୍ୟରେ ଦେଶରେ ଚାରି ଲକ୍ଷରୁ ଅଧିକ ଲୋକ କରୋନାରେ ସଂକ୍ରମିତ ହୋଇଛନ୍ତି।