କେଜ୍ରିୱାଲଙ୍କ ଉପରକୁ ବୋତଲ ମାଡ଼

ଅହମ୍ମଦାବାଦ: ସର୍ବ ସମ୍ମୁଖରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରକୁ ପାଣି ବୋତଲ ମାଡ। ଗରବା କାର୍ଯ୍ୟକ୍ରମରେ ସାମିଲ ହେବାକୁ ଯାଇଥିବା ବେଳେ ତାଙ୍କ ଉପରକୁ ପାଣି ବୋତଲ ମାଡ ହୋଇଛି।

ଗୁଜରାଟ ନିର୍ବାଚନରେ ଆମ ଆଦମୀ ପାର୍ଟିକୁ ବିଜୟୀ କରିବା ପାଇଁ ଲାଗିପଡିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ଏଥିପାଇଁ ସେ ଗୁଜରାଟରେ ଡେରା ପକାଇଛନ୍ତି। ଶନିବାର ଗାନ୍ଧିଧାମ ଓ ଜୁନାଗଡରେ ଏକ ଜନସଭାକୁ ସମ୍ବୋଧିତ କରିଥିଲେ। ଏହି ସମୟରେ ଅରବିନ୍ଦ କେଜ୍ରିୱାଲ ଓ ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ ଏକ ଗରବା କାର୍ଯ୍ୟକ୍ରମରେ ସାମିଲ ହୋଇଥିଲେ। ଏହି ଅବସରରେ କେଜ୍ରିୱାଲଙ୍କ ଉପରକୁ କେହି ଜଣେ ବୋତଲ ଫିଙ୍ଗିଥିବା ଜଣାପଡିଛି।

ରାଜକୋଟରେ ଖୋଡାଲଧାମ୍ ଗାରବା କାର୍ଯ୍ୟକ୍ରମରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ଯୋଗ ଦେଇଥିଲେ। ତାଙ୍କ ସହ ପଞ୍ଜାବର ମୁଖ୍ୟମନ୍ତ୍ରୀ ଭାଗବତ ମନ ମଧ୍ୟ ଉପସ୍ଥିତ ଥିଲେ, ସେ ନିଲ ସିଟି କ୍ଲବର ଦାଣ୍ଡିଆ କାର୍ଯ୍ୟକ୍ରମରେ ଗାରବାରେ ମଧ୍ୟ ଭାଗ ନେଇଥିଲେ। ଯେତେବେଳେ ଅରବିନ୍ଦ କେଜ୍ରିୱାଲ ଖୋଡାଲଧାମ ଗାରବାରେ ଯୋଗଦେଉଥିଲେ, କେହି ଜଣେ ଭିଡ ଭିତରେ ତାଙ୍କ ଉପରକୁ ପାଣି ବୋତଲ ଫିଙ୍ଗିଥିଲେ। ଏହାର ଭିଡିଓ ମଧ୍ୟ ସାମ୍ନାକୁ ଆସିଛି। ତେବେ କେଜ୍ରିୱାଲଙ୍କ ଉପରେ ବୋତଲ ଫିଙ୍ଗିଥିବା ବ୍ୟକ୍ତି କିଏ ତାହା ଚିହ୍ନଟ ହୋଇପାରି ନାହିଁ। ପୁଲିସ ଉକ୍ତ ବ୍ୟକ୍ତିଙ୍କୁ ସନ୍ଧାନ କରୁଛି।

ପାଖେଇ ଆସୁଛି ଗୁଜରାଟ ନିର୍ବାଚନ। ତେବେ ଏହାପୂର୍ବରୁ ଗୁଜରାଟ ଜିତିବାକୁ ଲାଗି ପଡିଛନ୍ତି ଆପ୍‌ ସୁପ୍ରିମୋ ଅରବିନ୍ଦ କେଜ୍ରିୱାଲ। ସରକାରୀ ରିପୋର୍ଟକୁ ଦର୍ଶାଇ ବହୁମତରେ ଗୁଜରାଟରେ ଆପ ସରକାର ଗଠନ ହେବାକୁ ଯାଉଛି ବୋଲି କେଜ୍ରିୱାଲ ଦାବି କରିଛନ୍ତି। ଏଥିସହ ବିଜେପି ଓ କଂଗ୍ରେସକୁ ଜୋରଦାର ଟାର୍ଗେଟ୍‌ କରିଛନ୍ତି ଆପ୍‌ ସୁପ୍ରିମୋ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।