ମୁମ୍ବାଇ: ଆକ୍ସନ ମୋଡରେ ପ୍ରବର୍ତ୍ତନ ନିର୍ଦ୍ଦେଶାଳୟ। ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ପରିବାରର ଓ ଶିବସେନା ସାଂସଦ ସଞ୍ଜୟ ରାଉତଙ୍କ ପତ୍ନୀଙ୍କ କୋଟି କୋଟି ଟଙ୍କା ଜବତ କରିଛି ଇଡି। ଦୁଇଟି ଭିନ୍ନ ଭିନ୍ନ ମାମଲାରେ ଇଡି ଏଭଳି ଆକ୍ସନ ନେଇଛି।
୧୦୩୪ କୋଟି ଟଙ୍କା ପାତ୍ରା ଚାଉଳ ଭୂମି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ମୋଟ ୧୧ କୋଟି ଟଙ୍କା ଜବତ କରିଛି। ଏହି ୧୧ କୋଟିରୁ ପ୍ରବିଣ ରାଉତଙ୍କ ୯ କୋଟିର ସମ୍ପତ୍ତି ରହିଥିବା ବେଳେ ଶବସେନା ନେତା ସଞ୍ଜୟ ରାଉତ ପତ୍ନୀଙ୍କ ୨ କୋଟିର ସମ୍ପତ୍ତି ସାମିଲ ଅଛି। ଇଡିର ଏଭଳି କାର୍ଯ୍ୟାନୁଷ୍ଠାନ ପରେ ସଞ୍ଜୟ ରାଉତ ଟ୍ୱିଟ୍ କରି କହିଛନ୍ତି, 'ଅସତ୍ୟମେବ ଜୟତେ।'
https://twitter.com/ANI/status/1511265492832464897?s=20&t=9iWkT11v4DGQeqMvODYEZw
ସେହିପରି ଅନ୍ୟ ମାମଲାଟି ଦିଲ୍ଲୀ ସ୍ୱାସ୍ଥ୍ୟ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ପରିବାର ସହ ଜଡିତ ରହିଛି। ମନି ଲଣ୍ଡରିଂ ମାମଲାରେ ଇଡି ସତ୍ୟେନ୍ଦ୍ର ଜୈନଙ୍କ ପରିବାରର ୪ କୋଟି ୮୧ ଲକ୍ଷ ଟଙ୍କାର ସମ୍ପତ୍ତି ଆଟାଚ୍ କରିଛି। କୁହାଯାଉଛି ଯେ, ଜୈନଙ୍କ ପରିବାର ଲୋକେ ଏଭଳି କିଛି ଫାର୍ମ ସହିତ ଜଡିତ ଥିଲେ ଯାହାର PMLA ଅଧୀନରେ ଯାଞ୍ଚ ଚାଲିଛି।
ଏହି ମାମଲାରେ ଯେଉଁମାନଙ୍କ ସମ୍ପତ୍ତି ଜବତ ହୋଇଛି ସେଥିରେ ଅକିଚନ୍ ଡେଭଲପର୍ସ ପ୍ରାଇଭେଟ ଲିମିଟେଡ ଓ ଇଣ୍ଡୋ ମେଟାଲ ଇମ୍ପେକ୍ସ ପ୍ରାଇଭେଟ୍ ଲିମିଟେଡ୍ ଆଦି ସାମିଲ ରହିଛି। PMLA ଅଧୀନରେ ଏମାନଙ୍କ ବିରୋଧରେ ମାମଲା ରୁଜୁ ହୋଇଛି।
https://twitter.com/dir_ed/status/1511243875318640640?s=20&t=N4U9sF-XQQsUbuDXSkvumg
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
