‘ବିହାର ନୁହେଁ, ମୁମ୍ବାଇ ସୁଶାନ୍ତଙ୍କୁ ଲୋକପ୍ରିୟ କରିଛି’

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାକୁ ନେଇ ଆରମ୍ଭ ହୋଇଯାଇଛି ରାଜନୈତିକ ବୟାନବାଜୀ। ସୁଶାନ୍ତ ମୃତ୍ୟୁ ତଦନ୍ତ ସିବିଆଇକୁ ଦିଆଯିବାକୁ ଦାବିକୁ ନେଇ ମହାରାଷ୍ଟ୍ର ଶାସକ ଦଳ ଶିବସେନା ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଟାର୍ଗେଟ୍ କରିଛନ୍ତି।

ସୁଶାନ୍ତଙ୍କ ମୃତ୍ୟୁ ତଦନ୍ତରେ ଆରମ୍ଭରୁ ମୁମ୍ବାଇ ପୁଲିସର ଢ଼ିଲା ଆଚରଣକୁ ନେଇ ଅଭିଯୋଗ ଆସୁଥିବା ବେଳେ ସୁଶାନ୍ତଙ୍କ ବାପାଙ୍କ ଅଭିଯୋଗ କ୍ରମେ ବିହାର ପୁଲିସ ମାମଲାର ତଦନ୍ତ ଭାର ମୁଣ୍ଡାଇଥିଲା। ହେଲେ ଏଥିରେ ମୁମ୍ବାଇ ପୁଲିସର ସହଯୋଗ ନ ମିଳିବାରୁ ମାମଲା ସିବିଆଇକୁ ଦିଆଯାଉ ବୋଲି ମୁଖ୍ୟମନ୍ତ୍ରୀ ନୀତିଶ କୁମାର ସୁପାରିଶ କରିଥିଲେ। ଏନେଇ ଶିବସେନା ନୀତିଶଙ୍କୁ ଟାର୍ଗେଟ୍ କରି ଏକ ବଡ଼ ପ୍ରତିକ୍ରିୟା ଦେଇଛି।

ପ୍ରକୃତରେ ଦଳୀୟ ଖବରକାଗଜ ‘ସାମନା’ ଜରିଆରେ ଶିବସେନା ନିଜ ଆଭିମୁଖ୍ୟ ସ୍ପଷ୍ଟ କରିଛି। ଶିବସେନା ଅନୁଯାୟୀ, ସୁଶାନ୍ତ ମୃତ୍ୟୁ ମାମଲାରେ ବିହାର ହସ୍ତକ୍ଷେପ କରିବା ଉଚିତ୍ ନୁହେଁ। ଗତ କିଛି ବର୍ଷ ହେଲା ସୁଶାନ୍ତ ମୁମ୍ବାଇରେ ରହୁଥିଲେ। ମୁମ୍ବାଇ ତାଙ୍କୁ ସଂଘର୍ଷ କ୍ଷାତି, ସୁନାମ ଦେଇଛି। ତାଙ୍କ ସଂଘର୍ଷ ସମୟରେ ବିହାର ତାଙ୍କ ସହ ଠିଆ ହୋଇ ନ ଥିଲା ବୋଲି ଶିବସେନା କହିଛି।

ପ୍ରକାଶିତ ଆଲେଖ୍ୟରେ ଆହୁରି ମଧ୍ୟ କୁହାଯାଇଛି, ସୁଶାନ୍ତଙ୍କ ପରିବାର ପକ୍ଷରୁ ସିବିଆଇ ତଦନ୍ତ ଦାବି କରାଯିବା ପରେ ବିହାର ସରକାର ଗତ ସପ୍ତାହରେ ସିବିଆଇ ତଦନ୍ତ ଦାବି କରିଛନ୍ତି। ସୁଶାନ୍ତ ତାଙ୍କ ସମଗ୍ର ଜୀବନକାଳରେ ବିହାର ଜନ୍ମିତ କିମ୍ବା ବିହାର ଲିଙ୍କ୍ ଥିବା ନେଇ କେବେ କିଛି ସୂଚନା ଦେଇନାହାନ୍ତି। ସୁଶାନ୍ତଙ୍କ ପରିବାର ପକ୍ଷରୁ ରିୟା ଚକ୍ରବର୍ତ୍ତୀଙ୍କ ବିରୁଦ୍ଧରେ ମାମଲା ରୁଜୁ ହେବାପରେ ବିହାର ସରକାର ଏ ମାମଲାରେ ମୁଣ୍ଡ ପୂରାଇଛନ୍ତି ବୋଲି ଶିବସେନା କହିଛି।

‘ସାମନା’ରେ ପ୍ରକାଶ ପାଇଛି ଯେ, ବିହାର ପୁଲିସ ଇଣ୍ଟରପୋଲ୍ ନୁହେଁ। ମୁମ୍ବାଇ ପୁଲିସ ମାମଲାର ତଦନ୍ତ କରୁଛି। ଅନ୍ୟ ଏକ ରାଜ୍ୟ ଏଥିରେ ହସ୍ତକ୍ଷେପ କରିବା ଉଚିତ୍ ନୁହେଁ। ସମସ୍ତଙ୍କୁ ସତ ଜାଣିବାର ଅଧିକାର ରହିଛି। ତେବେ ଖାଲି ସିବିଆଇ କିମ୍ବା ବିହାର ପୁଲିସ ହିଁ ସତ୍ୟ ଲୋକଲୋଚନକୁ ଆଣିବ ଏ କଥା ଠିକ୍ ନୁହେଁ।

ଆହୁରି ପଢ଼ନ୍ତୁ

ଟ୍ରମ୍ପଙ୍କ ଆଦେଶ ଉପରେ ରୋକ୍ ଲଗାଇଲେ ସ୍ଥାନୀୟ କୋର୍ଟ

ସ୍ତ୍ରୀଙ୍କୁ ପିଟିଲେ ସ୍ୱତନ୍ତ୍ର ଡିଜି; କହିଲେ ପତ୍ନୀ କରୁଛନ୍ତି ଗୁଇନ୍ଦାଗିରି

ବଢ଼ୁଛି ମନ୍ଦିର ଦାନବାକ୍ସରୁ ଚୋରି ଘଟଣା, ସକ୍ରିୟ ଗ୍ୟାଙ୍ଗକୁ ବାନ୍ଧିଲା ପୁଲିସ୍

କୃଷି ବିଲ୍ ବିରୋଧରେ ଛତିଶଗଡ ବିଧାନସଭାରେ ଆସିବ ପ୍ରସ୍ତାବ

ବିକାଶ ଦୁବେ ଘଟଣାର ପୁନରାବୃତ୍ତି ! ଫେରାର ଗ୍ୟାଙ୍ଗଷ୍ଟାର ୟୁପି ଆସୁଥିବା ବେଳେ ଦୁର୍ଘଟଣାରେ ମୃତ୍ୟୁ

‘ମୋଦିଙ୍କ ପାଇଁ ପିଓକେର ଆଶା ବଢ଼ିଛି, ଆମେ ଭାରତରେ ସାମିଲ୍ ହେବାକୁ ଇଚ୍ଛୁକ’

ଏଲଜେପିର ଚାରି ସାଂସଦ ବିଜେପି ଲିଙ୍କରେ, ଏନଡିଏରେ ବଢ଼ିବ ଅସନ୍ତୋଷ!

ବିଶ୍ୱରେ ୧୦ ଲକ୍ଷ ଅତିକ୍ରମ କଲା କରୋନା ମୃତକଙ୍କ ସଂଖ୍ୟା

‘ଯଦି ମୁଁ କରୋନାରେ ଆକ୍ରାନ୍ତ ହେବି, ତା’ହେଲେ ମମତାଙ୍କୁ ଆଲିଙ୍ଗନ କରିବି’

ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ସଫା, ଯବାନ ଆହତ

ସଞ୍ଜୟ ରାଉତ-ଫଡନାଭିସ ଆଲୋଚନାର ଇଫେକ୍ଟ: ଉଦ୍ଧବ ଓ ଶରଦ ପାୱାରଙ୍କ ରୁଦ୍ଧଦ୍ୱାର ବୈଠକ

କୋଇଲା ଖଣିରେ ଭୟଙ୍କର ଦୁର୍ଘଟଣା: ୧୬ ମୃତ