ଭୁଶୁଡ଼ି ପଡ଼ିଲା ନିର୍ମାଣାଧୀନ ଫ୍ଲାଏଓଭର, ୧୩ ଆହତ

ମୁମ୍ବାଇ: ଏକ ନିର୍ମାଣାଧୀନ ଫ୍ଲାଏଓଭର ଭୁଶୁଡ଼ି ପଡ଼ିବାରୁ ୧୩ ଜଣ ଶ୍ରମିକ ଆହତ ହୋଇଛନ୍ତି। ଶୁକ୍ରବାର ଭୋର ପ୍ରାୟ ସାଢ଼େ ୪ଟା ବେଳେ ମୁମ୍ବାଇର ବାନ୍ଦ୍ରା କୁର୍ଲା କମ୍ପ୍ଲେକ୍ସ ଅଞ୍ଚଳରେ ଏହି ଘଟଣା ଘଟିଛି। ବିକେସି ମୁଖ୍ୟ ରାସ୍ତା ଓ ସାନ୍ତା କ୍ରୁଜ୍-ଚେମ୍ବୁର ଲିଙ୍କ୍ ରୋଡ୍‌କୁ ସଂଯୋଗ କରିବା ପାଇଁ ଚାଲିଥିବା ନିର୍ମାଣାଧୀନ ଫ୍ଲାଏଓଭର ଏକ ଅଂଶ ଭୁଶୁଡ଼ି ପଡ଼ିଛି।

ଏହି ଅଘଟଣ ସଂପର୍କରେ ଖବର ପାଇବା ପରେ ପୁଲିସ୍ ଓ ଅଗ୍ନିଶମ ବାହିନୀ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ଆହତମାନଙ୍କୁ ଉଦ୍ଧାର କରି ତୁରନ୍ତ ହସ୍‌ପିଟାଲ୍ ନିଆଯାଇଥିଲା। ସମସ୍ତ ଆହତଙ୍କୁ ବିଏନ୍ ଦେଶାଇ ହସ୍‌ପିଟାଲ୍‌ରେ ଭର୍ତ୍ତି କରାଯାଇଛି।

ଡିସିପି (ଜୋନ୍ ୮) ମଞ୍ଜୁନାଥ ସିଙ୍ଗେ ନ୍ୟୁଜ୍ ଏଜେନ୍ସୀ ଏଏନ୍‌ଆଇକୁ କହିଛନ୍ତି ଯେ ଏହି ଘଟଣାରେ କାହାରି ମୃତ୍ୟୁ ଘଟି ନାହିଁ। ସେହିଭଳି କେହି ନିଖୋଜ ମଧ୍ୟ ହୋଇ ନାହାନ୍ତି। ଅନ୍ୟପକ୍ଷରେ ଏତେ ବଡ଼ ଅଘଟଣ କେମିତି ଘଟିଲା, ତା’ର ତଦନ୍ତ ଜାରି ରହିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।