କୁପୱାଡା: ଜମ୍ମୁ-କାଶ୍ମୀର ହଦୱାଡାରେ ଚାଲିଥିବା ଏନକାଉଣ୍ଟରରେ ସୁରକ୍ଷାକର୍ମୀଙ୍କ ଗୁଳିରେ ଆଜି ଜଣେ ଆତଙ୍କୀର ମୃତ୍ୟୁ ଘଟିଛି। ଆଉ ୨ ଆତଙ୍କୀ ଘନ ଜଙ୍ଗଲରେ ଲୁଚି ରହିଥିବା ଜଣାପଡିଛି। ଏହି ଘଞ୍ଚ ଜଙ୍ଗଲରେ ୩ ଆତଙ୍କୀ ଲୁଚି ରହିଥିବା ନେଇ ଗତକାଲି ସୁରକ୍ଷାକର୍ମୀଙ୍କ ନିକଟକୁ ସୂଚନା ମିଳିଥିଲା। ଏହାପରେ ସୁରକ୍ଷାକର୍ମୀ ଏନକାଉଣ୍ଟର ଆରମ୍ଭ କରିଥିଲେ।
ଏବେ ବି ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟରେ ଗୁଳିବିନିମୟ ଚାଲିଛି। ଜମ୍ମୁ ଓ କାଶ୍ମୀର ପୋଲିସର ସ୍ୱତନ୍ତ୍ର ଅପରେସନ୍ ଗ୍ରୁପ୍ ଓ ସେନା ଯବାନ ମିଶି ଆତଙ୍କୀଙ୍କ ସହ ଲଢୁଛନ୍ତି। ଉତ୍ତର କାଶ୍ମୀର ଡିଆଇଜି ଗରିବ ଦାସ କହିଛନ୍ତି, ସୁରକ୍ଷାକର୍ମୀମାନେ ଜଙ୍ଗଲ ଆଡକୁ ଆଗେଇବା ବେଳେ ଆତଙ୍କୀମାନେ ଗୁଳି ଚାଳନା କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
