ବେଙ୍ଗାଲୁରୁ(ଓଡ଼ିଶା ରିପୋର୍ଟର୍): ଅଗଷ୍ଟ ୩୧ ତାରିଖରେ ହୋଇଥିବା କର୍ଣ୍ଣାଟକ ପୌର ନିର୍ବାଚନ ଫଳାଫଳ ଆଜି ଘୋଷଣା ଚାଲିଛି। ଦିନ ଗୋଟାଏ ସୁଦ୍ଧା ଘୋଷିତ ଫଳାଫଳ ଅନୁସାରେ, କଂଗ୍ରେସ୍ ସର୍ବାଧିକ ୯୫୪ ସିଟ୍ ପାଇ ୧ ନମ୍ବର ଆସନରେ ରହିଥିବା ବେଳେ ବିଜେପି ୯୦୫ଟି ଆସନରେ ବିଜୟୀ ହୋଇ ଦ୍ୱିତୀୟ ସ୍ଥାନରେ ରହିଛି।
ସେହିଭଳି ଜେଡିଏସ୍ ୩୬୪ ଟି ସିଟ୍ ଅକ୍ତିଆର୍ କରିଥିବାବେଳେ ସ୍ୱାଧୀନ ପ୍ରାର୍ଥୀମାନେ ୧୯୫ ସିଟ୍ ହାସଲ୍ କରିଛନ୍ତି। ଦିନ ଗୋଟାଏ ସୁଦ୍ଧା ୨,୭୦୯ ସିଟ୍ରୁ ୨,୫୯୨ ସିଟ୍ର ଫଳାଫଳ ଘୋଷଣା ହୋଇଛି।
ଆଗଷ୍ଟ ୩୧ ତାରିଖରେ ରାଜ୍ୟର ୩୦ ଜିଲ୍ଲା ମଧ୍ୟରୁ ୨୧ ଜିଲ୍ଲାର ୧୦୫ଟି ପୌରପାଳିକାରେ ନିର୍ବାଚନ ହୋଇଥିଲା। ଏଥିରେ ୨୯ଟି ସହର ପୌରପାଳିକା, ୫୩ ଟାଉନ୍ ଓ ୨୩ ଟାଉନ୍ ପଞ୍ଚାୟତ ସାମିଲ୍ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
