ଶ୍ରୀନଗର: କାଶ୍ମୀରରେ ପୁଣି ଉଡିଲା ପାକିସ୍ତାନୀ ପତାକା। ଶୁକ୍ରବାର ହୁରିୟାତ୍ ସମର୍ଥକମାନେ ପୁଣି ଥରେ ଜମ୍ମୁ-କାଶ୍ମୀରର କୁପୱାରା ଜିଲ୍ଲାରେ ପାକିସ୍ତାନୀ ପତକା ଉଡାଇଛନ୍ତି । ସେହିଭଳି ଶ୍ରୀନଗରରେ ଏହି ବିଚ୍ଛିନ୍ନତାବାଦୀ ସଂଗଠନର ସମର୍ଥକମାନେ ଉଡ଼ାଇଥିଲେ ଇରାକ୍ ଓ ସିରିଆରେ ଆତଙ୍କ ଚଳାଇଥିବା ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ୍ (ଆଇଏସ)ର ପତାକା। ପ୍ରଥମ ଥର ପାଇଁ ବିଚ୍ଛିନ୍ନତାବାଦୀ ସଂଗଠନର ସମର୍ଥକଙ୍କ ହାତରେ ଆଇଏସର ପତାକା ଦେଖିବାକୁ ମିଳିଥିଲା। ହୁରିୟାତ୍ ନେତା ମୀରବାଇଜ୍ ଉମର ଫାରୁକଙ୍କ ସମର୍ଥକମାନେ ଶ୍ରୀନଗରର ଜାମ୍ମା ମସଜିଦରେ ଆଇଏସର ପତାକା ଉଡାଇଥିଲେ। ଆନ୍ଦୋଳନକାରୀ ମାନେ ହୋ-ହାଲ୍ଲା କରିବା ସହ ସଂସଦ ଉପରେ ଆକ୍ରମଣ କରି ଫାଶୀ ପାଇଥିବା ଅଫଜଲ୍ ଗୁରୁର ମୃତ ଶରୀରକୁ ଫେରାଇ ଦେବାକୁ ଦାବି କରିଥିଲେ।
ପୂର୍ବରୁ କାଶ୍ମୀରରେ ଲସ୍କର-ଏ-ତୋଇବାର ପତକା ଉଡିସାରିଛି। ଏହା ସହିତ ପାକିସ୍ତାନୀ ପତାକା ବି ଉଡ଼ିସାରିଥିଲା। କେନ୍ଦ୍ର ସରକାରଙ୍କ କଡ଼ା ଚେତାବନୀ ସତ୍ତ୍ୱେ ବିଚ୍ଛିନ୍ନତାବାଦୀ ସଂଗଠନ ଗୁଡ଼ିକ ବାରମ୍ବାର ପାକିସ୍ତାନୀ ପତାକା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
