ୱାଶିଂଟନ: ଆମେରିକା ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ ହୋଇଥିବା ଜୋ ବାଇଡେନ ରେଜଲ୍ଟ ବାହାରିବା ପୂର୍ବରୁ ନିଜର ସମର୍ଥକଙ୍କୁ ବଡ଼ ବୟାନ ଦେଇଛନ୍ତି। ବର୍ତ୍ତମାନ ଆମେରିକା ରାଷ୍ଟ୍ରପତି ନିର୍ବାଚନର ଭୋଟ ଗଣତି ଜାରି ରହିଛି।
ଗଣତିରୁ ଜଣାପଡ଼ିଛି ଯେ ରାଷ୍ଟ୍ରପତି ଡୋନାଲ୍ଟ ଟ୍ରମ୍ପ ଓ ବାଇଡେନଙ୍କ ମଧ୍ୟରେ କଡ଼ା ଟକ୍କର ହେଉଛି। ବାଇଡେନ ୨୩୮ଟି ଭୋଟ ପାଇଥିବା ବେଳେ ଟ୍ରମ୍ପଙ୍କ ସପକ୍ଷରେ ୨୧୩ ଭୋଟ ପଡ଼ିଛି। ଚୂଡ଼ାନ୍ତ ରେଜଲ୍ଟ ଆସିବା ପୂର୍ବରୁ ବାଇଡେନ କହିଛନ୍ତି, ଆମର ବିଶ୍ୱାସ ଆମେ ୱିନିଂ ଟ୍ରାକ୍ରେ ରହିଛୁ।
ସମସ୍ତେ ବିଶ୍ୱାସ ରଖନ୍ତୁ, ଆମେ ଜିତିବାକୁ ଯାଉଛୁ। ତେବେ ଚଳିତ ବର୍ଷ ଇ-ମେଲ ଭୋଟିଂ କରାଯାଇଥିବାରୁ ଚୂଡ଼ାନ୍ତ ଫଳାଫଳ ଆସିବାକୁ ଆଉ କିଛି ସମୟ ଲାଗିବ। ସେହି ସମୟକୁ ଆମେ ସମସ୍ତେ ଅପେକ୍ଷା କରିବା ଦରକାର ବୋଲି ସେ କହିଛନ୍ତି।