ଟିଏମସି ଛାଡ଼ି ବିଜେପିରେ ସାମିଲ୍ ହେଲେ ବିଧାୟକ ମିହିର

ନୂଆଦିଲ୍ଲୀ: ଟିଏମସିରୁ ଇସ୍ତଫା ଦେବା ପରେ ବିଜେପିରେ ସାମିଲ୍ ହୋଇଛନ୍ତି ମିହିର ଗୋସ୍ୱାମୀ। ଶୁକ୍ରବାର ମିହିର ଦିଲ୍ଲୀରେ ବିଜେପି ମହାସଚିବ କୌଳାଶ ବିଜୟବର୍ଗୀୟଙ୍କ ଉପସ୍ଥିତିରେ ଦଳର ସଦସ୍ୟତା ଗ୍ରହଣ କରିଛନ୍ତି।

ଶୁକ୍ରବାର ଟିଏମସି ସାଂସଦ ନୀତୀଶ ପ୍ରମାଣିକ ଏବଂ ବିଧାୟକ ମିହିର ଦିଲ୍ଲୀ ଆସିଥିଲେ। ଏହାପରେ ମିହିର ବିଜେପିରେ ସାମିଲ୍ ହୋଇଛନ୍ତି। ନୀତୀଶ ମଧ୍ୟ ବିଜେପିରେ ସାମିଲ୍ ହେବା ଏକ ପ୍ରକାର ଥୟ ବୋଲି କୁହାଯାଉଛି। କିଛି ଦିନ ତଳେ ମିହିର ଟିଏମସି ପ୍ରତି ଏବଂ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପ୍ରତି ଅସନ୍ତୋଷ ଜାହିର କରିଥିଲେ। ଦକ୍ଷିଣ କୁଚବିହାରର ବିଧାୟକ ରହିଛନ୍ତି ମିହିର ଗୋସ୍ୱାମୀ।

ଆସନ୍ତାବର୍ଷ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ରହିଛି। ଏହା ପୂର୍ବରୁ ଶାସକ ଦଳ ଟିଏମସି ଏବଂ ବିଜେପି ଆରମ୍ଭ କରି ଦେଇଛନ୍ତି ରାଜନୀତିକ ପ୍ରଚାର।