ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆଦିଲ୍ଲୀ/ମାଲକାନଗିରି: ସାରା ଦେଶ ଆଜି ଦୀପାବଳିକୁ ନେଇ ଝୁମୁଛି। ହେଲେ ଆମକୁ ସୁରକ୍ଷା ଦେବାକୁ ନିଜ ଜୀବନକୁ ବାଜି ଲଗାଇଥିବା ସିପାହୀଙ୍କ ପାଖରେ ପହଞ୍ଚିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।ଜମ୍ମୁ ଓ କାଶ୍ମୀରର ଲାଇନ୍ ଅଫ୍ କଂଟ୍ରୋଲ୍ ନିକଟ ଗୁରେଜ୍ ଉପତ୍ୟକାରେ ସେନା ଓ ବିଏସ୍ଏଫ୍ ଯବାନଙ୍କ ସହିତ ଦୀପାବଳି ମନାଇବା ସହ ସେମାନଙ୍କୁ ଦେଇଥିଲେ ଦୃଢ଼ତାର ମନ୍ତ୍ର। ସେପଟେ ମାଲାକାନଗିରିର ଏକ BSF କ୍ୟାମ୍ପରେ ପହଞ୍ଚି ଯବାନଙ୍କ ସହ ଆଲୋକର ପର୍ବ ପାଳିଥିଲା ‘ଓଡ଼ିଶା ରିପୋର୍ଟର’। ଆଜି ଲାଇନ୍ ଅଫ୍ କଣ୍ଟ୍ରୋଲରେ ପହଞ୍ଚି ଥିଲେ ମୋଦି। ଯବାନଙ୍କ ବେଶରେ ନରେନ୍ଦ୍ର ମୋଦି ସୁରକ୍ଷାକର୍ମୀଙ୍କ ସହ କିଛି ଘଣ୍ଟା ସମୟ କାଟିଥିଲେ। ଦେଶର ସୀମାରେ ସାହସୀ ସିପାହୀ ମୋତେ ଦେଇଛନ୍ତି ନୂଆ ଶକ୍ତି।</p> <p>ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏ ଧାଡ଼ିଏ କଥା ଆଜି ଆଲୋକର ପର୍ବରେ ଦେଶର ସୁରକ୍ଷା ପାଇଁ ଜୀବନକୁ ବାଜି ଲଗାଇଥିବା ସେନା ଓ ବୋର୍ଡ଼ର ସିକ୍ୟୁରିଟି ଫୋର୍ସର ଜବାନମାନଙ୍କ ମନକୁ ଆହୁରି ଆଲୋକିତ କରିଛି । ମିଠା ବଣ୍ଟା ଫଟୋ ଉଠା ସହ ଆଉ କିଛି ପ୍ରେରଣାଦାୟୀ ଭାଷଣ । ଏମିତି ଢଙ୍ଗରେ ଆଜି କାଶ୍ମୀରର ଗୁରେଜ୍ ଉପତ୍ୟକାରେ ଦୀପାବଳି ପାଳିଛନ୍ତି ପ୍ରଧାନମନ୍ତ୍ରୀ ମୋଦି। ସେପଟେ ମାଲାକାନଗିରିର ନକ୍ସଲ୍ ସହ ଲଢ଼ିବାକୁ ମୁତୟନ ହୋଇଥିବା ବିଏସ୍ଏଫ୍ ଯବାନଙ୍କ କ୍ୟାମ୍ପରେ ପହଞ୍ଚିଥିଲା ଓଡ଼ିଶା ରିପୋର୍ଟର ଟିମ୍‌।</p> <p>ସଂଧ୍ୟା ନଇଁବା ବେଳକୁ ଆମ ଟିମ୍ ପହଞ୍ଚିଥିଲା ଘଂଚ ଜଙ୍ଗଲ ଭିତରେ ଥିବା ସିକପାଲି କ୍ୟାମ୍ପରେ। କିଛି ଯବାନ ବାହାରି ପଡ଼ିଥିଲେ ନାଇଟ୍ ଅପରେସନନ୍‌ରେ। ଆଉ କିଛି ଥିଲେ କ୍ୟାମ୍ପର ସେଣ୍ଟ୍ରି ଡ୍ୟୁଟିରେ । ଭାଗବଣ୍ଟାରେ ଚାଲିଥିଲା ମଉଜର ଆସର। ଘର ସଂସାର ଠାରୁ ମାଇଲ୍ ମାଇଲ୍ ଦୂରରେ ଗୀତ ଗାଇ ମିଠା ଖୁଆଇ ସିପାହୀ ପାଳୁଥିଲେ ଦୀପାବଳୀ। ଛୁଟି ନ ମିଳିବାର ଅବଶୋଷକୁ ଭୁଲି ସମସ୍ତେ ମାତି ଯାଇଥିଲେ ମଉଜରେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
