ସିପାହୀଙ୍କ ସହ ଦୀପାବଳି ପାଳିଲେ ମୋଦି , ମାଲକାନଗିରି ବିଏସଏଫ କ୍ୟାମ୍ପରେ ‘ଓଡ଼ିଶା ରିପୋର୍ଟର’

<p>ନୂଆଦିଲ୍ଲୀ/ମାଲକାନଗିରି: ସାରା ଦେଶ ଆଜି ଦୀପାବଳିକୁ ନେଇ ଝୁମୁଛି। ହେଲେ ଆମକୁ ସୁରକ୍ଷା ଦେବାକୁ ନିଜ ଜୀବନକୁ ବାଜି ଲଗାଇଥିବା ସିପାହୀଙ୍କ ପାଖରେ ପହଞ୍ଚିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।ଜମ୍ମୁ ଓ କାଶ୍ମୀରର ଲାଇନ୍ ଅଫ୍ କଂଟ୍ରୋଲ୍ ନିକଟ ଗୁରେଜ୍ ଉପତ୍ୟକାରେ ସେନା ଓ ବିଏସ୍ଏଫ୍ ଯବାନଙ୍କ ସହିତ ଦୀପାବଳି ମନାଇବା ସହ ସେମାନଙ୍କୁ ଦେଇଥିଲେ ଦୃଢ଼ତାର ମନ୍ତ୍ର। ସେପଟେ ମାଲାକାନଗିରିର ଏକ BSF କ୍ୟାମ୍ପରେ ପହଞ୍ଚି ଯବାନଙ୍କ ସହ ଆଲୋକର ପର୍ବ ପାଳିଥିଲା &lsquo;ଓଡ଼ିଶା ରିପୋର୍ଟର&rsquo;। ଆଜି ଲାଇନ୍ ଅଫ୍ କଣ୍ଟ୍ରୋଲରେ ପହଞ୍ଚି ଥିଲେ ମୋଦି। ଯବାନଙ୍କ ବେଶରେ ନରେନ୍ଦ୍ର ମୋଦି ସୁରକ୍ଷାକର୍ମୀଙ୍କ ସହ କିଛି ଘଣ୍ଟା ସମୟ କାଟିଥିଲେ। ଦେଶର ସୀମାରେ ସାହସୀ ସିପାହୀ ମୋତେ ଦେଇଛନ୍ତି ନୂଆ ଶକ୍ତି।</p> <p>ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏ ଧାଡ଼ିଏ କଥା ଆଜି ଆଲୋକର ପର୍ବରେ ଦେଶର ସୁରକ୍ଷା ପାଇଁ ଜୀବନକୁ ବାଜି ଲଗାଇଥିବା ସେନା ଓ ବୋର୍ଡ଼ର ସିକ୍ୟୁରିଟି ଫୋର୍ସର ଜବାନମାନଙ୍କ ମନକୁ ଆହୁରି ଆଲୋକିତ କରିଛି । ମିଠା ବଣ୍ଟା ଫଟୋ ଉଠା ସହ &nbsp;ଆଉ କିଛି ପ୍ରେରଣାଦାୟୀ ଭାଷଣ । ଏମିତି ଢଙ୍ଗରେ ଆଜି କାଶ୍ମୀରର ଗୁରେଜ୍ ଉପତ୍ୟକାରେ ଦୀପାବଳି ପାଳିଛନ୍ତି ପ୍ରଧାନମନ୍ତ୍ରୀ ମୋଦି। ସେପଟେ ମାଲାକାନଗିରିର ନକ୍ସଲ୍ ସହ ଲଢ଼ିବାକୁ ମୁତୟନ ହୋଇଥିବା ବିଏସ୍ଏଫ୍ ଯବାନଙ୍କ କ୍ୟାମ୍ପରେ ପହଞ୍ଚିଥିଲା ଓଡ଼ିଶା ରିପୋର୍ଟର &nbsp;ଟିମ୍&zwnj;।</p> <p>ସଂଧ୍ୟା ନଇଁବା ବେଳକୁ ଆମ ଟିମ୍ ପହଞ୍ଚିଥିଲା ଘଂଚ ଜଙ୍ଗଲ ଭିତରେ ଥିବା ସିକପାଲି କ୍ୟାମ୍ପରେ। କିଛି ଯବାନ ବାହାରି ପଡ଼ିଥିଲେ ନାଇଟ୍ ଅପରେସନନ୍&zwnj;ରେ। ଆଉ କିଛି ଥିଲେ କ୍ୟାମ୍ପର ସେଣ୍ଟ୍ରି ଡ୍ୟୁଟିରେ । ଭାଗବଣ୍ଟାରେ ଚାଲିଥିଲା ମଉଜର ଆସର। ଘର ସଂସାର ଠାରୁ ମାଇଲ୍ ମାଇଲ୍ ଦୂରରେ ଗୀତ ଗାଇ ମିଠା ଖୁଆଇ ସିପାହୀ ପାଳୁଥିଲେ ଦୀପାବଳୀ। &nbsp;ଛୁଟି ନ ମିଳିବାର ଅବଶୋଷକୁ ଭୁଲି ସମସ୍ତେ ମାତି ଯାଇଥିଲେ ମଉଜରେ।</p>