ଶବ ଖୋଲିଲା ଗୁମର, ‘ହତ୍ୟା’ ହୋଇଥିବା ଲୋକ ନିଜେ ହତ୍ୟାକାରୀ

ଭୋପାଲ: ମଧ୍ୟପ୍ରଦେଶର ରତଲାମ୍‌ରେ ଆରଏସ୍‌ଏସ୍‌ କାର୍ଯ୍ୟକର୍ତ୍ତା  ହିମ୍ମତ ପଟିଦାରଙ୍କ ହତ୍ୟା ମାମଲା ପୂରା ଓଲଟି ଯାଇଛି। ଏହି ଘଟଣାରେ ପୁଲିସ୍‌ ଏମିତି ଏକ ସତ ପଦାକୁ ଆଣିଛି, ଯାହା କେହି କେବେ କଳ୍ପନା କରି ନଥିବେ। ପୁଲିସ୍‌ ଅନୁସାରେ ନିଜେ ହିମ୍ମତ ହିଁ ନିଜ ହତ୍ୟାର ଯୋଜନା କରିଥିଲେ। ନିଜ ଗାଁର ଜଣେ ବ୍ୟକ୍ତିକୁ ହତ୍ୟା କରି ଫେରାର ହୋଇଯାଇଥିଲେ। ମୃତକର ପରିଚୟ ଲୁଚାଇବା ଓ ମୃତକ ଜଣଙ୍କ ସେ ନିଜେ ବୋଲି ଦର୍ଶାଇବାକୁ ଯୋଜନା କରିବା ସହ ଶବର ମୁହଁକୁ ସମ୍ପୂର୍ଣ୍ଣ ନଷ୍ଟ କରି ଦେଇଥିଲେ।

ମୃତଦେହର ଡିଏନ୍‌ଏ ଟେଷ୍ଟ ରିପୋର୍ଟରୁ ଏହି ସତ୍ୟ ପଦାକୁ ଆସିଛି। ରିପୋର୍ଟ ଅନୁସାରେ ମୃତକ ହିମ୍ମତ ପଟିଦାର ନୁହେଁ ବରଂ ସେହି ଗାଁର ମଦନ ମାଲଭିୟା। ଗୁରୁତ୍ୱପୂର୍ଣ୍ଣ କଥା ହେଲା ମଦନ ହେଉଛନ୍ତି, ସେହି ବ୍ୟକ୍ତି ଯାହାକୁ ହିମ୍ମତଙ୍କ ହତ୍ୟାକାରୀ ଭାବି ପୁଲିସ୍‌ ଖୋଜୁଥିଲା।

ଶବ ମିଳିବା ପରଠାରୁ ମଦନ ନିଖୋଜ ଥିବାରୁ ପୁଲିସ୍‌ ତାଙ୍କୁ ହତ୍ୟାକାରୀ ଭାବି ତଦନ୍ତ କରୁଥିଲା। ତେବେ ଡିଏନ୍‌ଏ ଟେଷ୍ଟରୁ ଶବ ହିମ୍ମତଙ୍କର ନୁହେଁ ବରଂ ମଦନଙ୍କର ବୋଲି ଜଣାପଡ଼ିଥିଲା। ଏହାପରେ ପୁଲିସ୍‌ର ହିମ୍ମତ ଉପରେ ସନ୍ଦେହ ସୃଷ୍ଟି ହୋଇଥିଲା। ଏହାପରେ ପୁଲିସ୍‌ ମାମଲାକୁ ଭିନ୍ନ ଦିଗରେ ତଦନ୍ତ କରିବା ଆରମ୍ଭ କରିଥିଲା।

ତଦନ୍ତରୁ ଜଣାପଡ଼ିଥିଲା, ଆରଏସ୍‌ଏସ୍‌ର ଶିବପୁର ମଣ୍ଡଳର ପୂର୍ବତନ ଅଧ୍ୟକ୍ଷ ହିମ୍ମତ ପଟିଦାର ପ୍ରାୟ ୨୦ ଲକ୍ଷ ଟଙ୍କାର ଋଣ କରିଥିଲେ। ଏଥିରୁ ମୁକ୍ତି ପାଇବାକୁ ଏହି ହତ୍ୟାର ଷଡ଼ଯନ୍ତ୍ର ରଚିଥିଲେ। ଏଥିପାଇଁ ଗାଁରେ ତାଙ୍କ ସହ ପଡୁ ନଥିବା ମଦନଙ୍କୁ ସେ ଟାର୍ଗେଟ କରିଥିଲେ।

ଗତ ସପ୍ତାହର ବୁଧବାର ଦିନ ନିଜ କ୍ଷେତରେ ହିମ୍ମତଙ୍କ ପିତା ଲକ୍ଷ୍ମୀନାରାୟଣ ପଟିଦାର ଏକ ଶବ ପଡ଼ିଥିବା ଦେଖିଥିଲେ। ଉକ୍ତ ଶବର ମୁହଁ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା ଓ ପାଖରେ ହିମ୍ମତଙ୍କ ବାଇକ୍‌ ଥିଲା। ଏହାପରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିଲା। ଲକ୍ଷ୍ମୀନାରାୟଣ ଏବଂ ଦାଦା ପୁଅ ଭାଇ ସୁରେଶ ଏହା ହିମ୍ମତର ଶବ ବୋଲି ଚିହ୍ନଟ କରିଥିଲେ।

ହିମ୍ମତଙ୍କୁ ହତ୍ୟା କରାଯିବାର  ଖବର ପ୍ରଚାରିତ ହେବା ପରେ ହିନ୍ଦୁ ସଂଗଠନଙ୍କ ପକ୍ଷରୁ ହଙ୍ଗାମା ଆରମ୍ଭ ହୋଇଯାଇଥିଲା।

ଆହୁରି ପଢ଼ନ୍ତୁ

ଆରୋଗ୍ୟ ହେଲେ ୧୭୮୫ କରୋନା ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଗିରଫ ଲକ୍ଷ୍ମୀକାନ୍ତଙ୍କ ପରିବାରକୁ ଭେଟିଲା ବିଜେପି, ସରକାରୀ କାର୍ଯ୍ୟାନୁଷ୍ଠାନକୁ ନିନ୍ଦା

ସୁଶାନ୍ତଙ୍କ ମୃତ୍ୟୁ ମାମଲାର ଶୁଣାଣି ଗୁରୁବାରକୁ ଘୁଞ୍ଚିଲା, ରିୟା ରଖିଲେ ଏମିତି ପକ୍ଷ

ଭୁବନେଶ୍ୱରରୁ ୧୦୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୪୯ ଲୋକାଲ୍‌ କେସ୍‌

କରୋନାରେ ଆକ୍ରାନ୍ତ ରାହତ ଇନ୍ଦୋରୀଙ୍କ ପରଲୋକ

ବେହେରାସାହି ପରେ ଚିନ୍ତା ବଢ଼ାଇଲା ଜାଲୁଆ ସାହି

ଏହି ୧୦ ରାଜ୍ୟ କରୋନାକୁ ହରାଇ ପାରିଲେ ଭାରତ ଜିତିବ ବୋଲି କହିଲେ ମୋଦି

ପାରମ୍ପରିକ ଅସ୍ତ୍ରଶସ୍ତ୍ର ଧରି ଲୋକଙ୍କ ପ୍ରତିବାଦ

‘ମୋ ଭାଇର ଯଦି କିଛି ଭୁଲ ହୋଇଛି, ମୁଖ୍ୟମନ୍ତ୍ରୀ କ୍ଷମା କରି ଦିଅନ୍ତୁ’

ଡବଲ ମର୍ଡଲ; ବଡ଼ଭାଇ, ପୁତୁରାକୁ ମାରି ପାଇଖାନା ଟାଙ୍କିରେ ଫିଙ୍ଗିଦେଲେ

ଭାଇରାଲ ଅଡିଓ ମାମଲା; ରିମାଣ୍ଡରେ ଗଲେ ଲକ୍ଷ୍ମୀକାନ୍ତ, ବିଶ୍ୱଜିତ

୭ ଶିଳ୍ପୀଙ୍କୁ ଧର୍ମପଦ ସମ୍ମାନ, ଆଖି ବୁଜି ସାରିଲେଣି ୩ ଜଣ