ପାକ୍‌ ସେନା ମୁଖ୍ୟ କହିଲେ ପ୍ରତିଶୋଧ ନେବୁ, ଇମ୍ରାନ୍‌ ଖାନ୍‌ଙ୍କୁ ଧନ୍ୟବାଦ ଜଣାଇଲେ ସିଦ୍ଧୁ

ଇସ୍‌ଲାମାବାଦ୍‌, ନୂଆଦିଲ୍ଲୀ: କିଛି ଦିନର ବ୍ୟବଧାନ ପରେ ପାକିସ୍ତାନ ପୁଣିଥରେ ଭାରତକୁ ଧମକ ଦେବା ଆରମ୍ଭ କରିଛି। ଗୋଟିଏ ପଟେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଭାରତ ସହ ବନ୍ଧୁତା ସ୍ଥାପନ କରିବାକୁ କହୁଥିବା ବେଳେ ଅନ୍ୟପଟେ ଦେଶର ସେନା ମୁଖ୍ୟ ଜେନେରାଲ୍‌ କମର୍ ଜାଭେଦ୍‌ ବାଜୱା ନୂଆଦିଲ୍ଲୀଠାରୁ ପ୍ରତିଶୋଧ ନିଆଯିବ ବୋଲି କହିଛନ୍ତି।
 
ପାକିସ୍ତାନ ସେନା ମୁଖ୍ୟ ଏପରି ଧମକ ଦେଉଥିଲେ ମଧ୍ୟ ପଞ୍ଜାବର କଂଗ୍ରେସ ସରକାରଙ୍କ ମନ୍ତ୍ରୀ ତଥା ପୂର୍ବତନ କ୍ରିକେଟର୍‌ ନଭଜୋତ୍‌ ସିଂହ ସିଦ୍ଧୁ ପାକ୍‌ ସରକାରଙ୍କୁ ଧନ୍ୟବାଦ ଦେବା ଘଟଣା ନୂଆ ବିବାଦ ସୃଷ୍ଟି କରିଛି।
“ପାକିସ୍ତାନ ସରକାର ଗୁରୁ ନାନକଜୀଙ୍କ ୫୫୦ ତମ ଜନ୍ମ ବାର୍ଷିକ ପାଳନ ପାଇଁ କର୍ତ୍ତାରପୁର ସାହିବ କରିଡର୍‌ ଖୋଲିବାକୁ ପ୍ରସ୍ତୁତ ଅଛନ୍ତି। ଏହାଠାରୁ ବଡ଼ ଖୁସିର କଥା କିଛି ହୋଇ ନଥାଇ ପାରେ। ପାକିସ୍ତାନ ପ୍ରଧାନମନ୍ତ୍ରୀ ଓ ବୈଦେଶିକମନ୍ତ୍ରୀଙ୍କ ଯୋଗୁ ଏହା ସମ୍ଭବ ହୋଇପାରିଛି। ତେଣୁ ଆମକୁ ମଧ୍ୟ ଶାନ୍ତି ସ୍ଥାପନ ପାଇଁ ଆଗକୁ ଆସିବାକୁ ପଡ଼ିବ। ପାକିସ୍ତାନ ଏଭଳି କାର୍ଯ୍ୟକରି ସମଗ୍ର ବିଶ୍ୱକୁ ଏକ ବାର୍ତ୍ତା ଦେଇଛି। ଏହାକୁ ଏବେ କେହି ବିରୋଧ କରିପାରିବେ ନାହିଁ” ବୋଲି ସିଦ୍ଧୁ କହିଛନ୍ତି।
 
ପୂର୍ବରୁ ସିଦ୍ଧୁ ପାକିସ୍ତାନ ଗସ୍ତ କରି ସେଠାରେ ବାଜୱାଙ୍କୁ ଆଲିଙ୍ଗନ୍‌ କରିଥିବାରୁ ତାଙ୍କୁ ତୀବ୍ର ସମାଲୋଚନା କରାଯାଇଥିଲା। ଏବେ ପୁଣି ଏଭଳି ବୟାନ ନୂଆ ବିବାଦ ସୃଷ୍ଟି କରିଛି।
ପାକିସ୍ତାନ ସେନାମୁଖ୍ୟ ବାଜୱା ୫୩ ତମ ପ୍ରତିରକ୍ଷା ଦିବସ କାର୍ଯ୍ୟକ୍ରମରେ ଉଦ୍‌ବୋଧନ ଦେଇ କହିଥିଲେ, “ପାକିସ୍ତାନ ସେନା ସୀମା ସୁରକ୍ଷା ପାଇଁ ଯେଉଁ ବଳିଦାନ ଦେଇଛନ୍ତି, ତାହା କେବେ ହେଲେ ବେକାର ଯିବନାହିଁ। ସୀମାରେ ପାକ୍‌ ସେନାଙ୍କ ରକ୍ତର ବଦଲା ନିଶ୍ଚିତ ନିଆଯିବ। ଭାରତ ଅଧିକୃତ କଶ୍ମୀର ଜନସାଧାରଣ ସର୍ବଦା ପାକିସ୍ତାନ ସହ ଛିଡ଼ା ହୋଇଛନ୍ତି। ସେମାନଙ୍କୁ ଭାରତୀୟ ସେନା ନାନା ପ୍ରକାରର ନିର୍ଯାତନା ଦେଉଥିଲେ ମଧ୍ୟ ସେମାନେ ସବୁ ସହ୍ୟ କରିଛନ୍ତି। ଏଥିପାଇଁ ସେମାନଙ୍କୁ ପାକ୍‌ ସେନା ପକ୍ଷରୁ ଧନ୍ୟବାଦ। ଆଗକୁ ଏସବୁର ପ୍ରତିଶୋଧ ନିଆଯିବ” ବୋଲି ସେ କହିଛନ୍ତି। 

ଆହୁରି ପଢ଼ନ୍ତୁ

ରିୟାଙ୍କୁ ପୁଣି ଡାକିଲା ଇଡି

ଲୋକଙ୍କୁ ସୋନୁ ସୁଦ୍‌ଙ୍କ‌ ଅନୁରୋଧ

ଅଯୋଧ୍ୟା ଭଳି ନେପାଳରେ ଭବ୍ୟ ଶ୍ରୀରାମ ମନ୍ଦିର ନିର୍ମାଣ ପାଇଁ ଓଲିଙ୍କ ନିର୍ଦ୍ଦେଶ

ରାଜ୍ୟର ୨୫ଟି ଜିଲ୍ଲାରୁ କରୋନାରେ ଗଲାଣି ୨୭୨ ଜୀବନ: ଜାଣନ୍ତୁ, କେଉଁ ଜିଲ୍ଲାରୁ କେତେ

ବାହା ହେଲେ ‘ବାହୁବଲୀ’ର ଭଲ୍ଲାଲ୍‌ଦେବ୍‌

ଆଇଏଏସ୍ ପାଇଥିବା ଐଶ୍ୱର୍ଯ୍ୟାଙ୍କ ନାଁରେ ୧୬ଟି ଫେକ୍ ଆକାଉଣ୍ଟ, ମାମଲା ରୁଜୁ

ହରିଆଣା ମୁଖ୍ୟମନ୍ତ୍ରୀଙ୍କୁ ଭେଟିଲେ ସୁଶାନ୍ତଙ୍କ ବାପା ଓ ଭଉଣୀ, ଜାଣନ୍ତୁ କାରଣ

କିଛି ଦିନ ପରେ ବାପା ହୋଇଥାଆନ୍ତେ, କିନ୍ତୁ ବିମାନ ଦୁର୍ଘଟଣା ନେଇଗଲା ଜୀବନ

ଦୁଇ ଥର ଭାଗ୍ୟ ସାଥ ଦେଲା! ନିଶ୍ଚିତ ଦୁର୍ଘଟଣାରୁ ବର୍ତ୍ତିଗଲା ବିମାନ

ସାମ୍ନାକୁ ଆସିଲା ଦିଶାଙ୍କ ଶେଷ ଭିଡିଓ, ଶୁଟିଂର କିଛି ଘଣ୍ଟା ପରେ ମିଳିଥିଲା ମୃତଦେହ

ମରିଗଲା ମାନବିକତା! ହସ୍ପିଟାଲ ଆଗରେ ବୃଦ୍ଧାଙ୍କୁ ନିର୍ଘାତ ମାଡ଼, ଭିଡିଓ ଭାଇରାଲ

‘ଠକ ଠକ’ ଗ୍ୟାଙ୍ଗର ଦୁଇ ସଦସ୍ୟ ଗିରଫ, କୋଟିଏ ଟଙ୍କାରୁ ଅଧିକ ଦାମର ଅଳଙ୍କାର ଠାବ