ଲାହୋର୍ (ଓଡ଼ିଶା ରିପୋର୍ଟର): ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ୍ ଶରିଫ୍ଙ୍କ ଭାଇ ତଥା ପାକିସ୍ତାନର ବିରୋଧୀ ଦଳ ନେତା ଶାହବାଜ୍ ଶରିଫ୍ ଦୁର୍ନୀତି ଅଭିଯୋଗରେ ଗିରଫ ହୋଇଛନ୍ତି।
ଦେଶର ଭ୍ରଷ୍ଟାଚାର ନିରୋଧୀ ସଂସ୍ଥା ପକ୍ଷରୁ ତାଙ୍କୁ ଗିରଫ କରାଯାଇଛି। ପୂର୍ବରୁ ନ୍ୟାସନାଲ୍ ଆକାଉଣ୍ଟେବିଲିଟି ବ୍ୟୁରୋର ତଦନ୍ତକାରୀ ଟିମ୍ ତାଙ୍କୁ ଜେରା କରିଥିଲେ। ଶାହବାଜ୍ କିନ୍ତୁ ତଦନ୍ତକାରୀ ଟିମ୍କୁ
ସଫେଇ ଦେବାରେ ବିଫଳ ହୋଇଥିଲେ। ତାଙ୍କ ନାମରେ ଆଶିଆନା ହାଉସିଂ ପ୍ରକଳ୍ପରେ ୧୪୦୦ କୋଟି ଟଙ୍କାର ଏବଂ ପଞ୍ଜାବ ସାଫ୍ ପାନୀ କମ୍ପାନୀରେ ୪ କୋଟି ଟଙ୍କାର ଦୁର୍ନୀତି ଅଭିଯୋଗ ରହିଛି।
ପଞ୍ଜାବ ସାଫ୍ ପାନୀ କମ୍ପାନୀ ପାକିସ୍ତାନର ପଞ୍ଜାବ ରାଜ୍ୟରେ ପାନୀୟ ଜଳ ଯୋଗାଣ ପାଇଁ ବିଭିନ୍ନ ପ୍ରକଳ୍ପ ନିର୍ମାଣ ଉଦ୍ଦେଶ୍ୟରେ ଗଠନ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
