ନୂଆଦିଲ୍ଲୀ: ବିଶ୍ୱ ମହାମାରୀ ନୋଭେଲ କରୋନା ଭୂତାଣୁ ଭାରତ ସମେତ ୧୮୦ ଦେଶକୁ ହନ୍ତସନ୍ତ କରି ରଖିଛି। ବର୍ତ୍ତମାନ ସୁଦ୍ଧା ୨.୨୯ କୋଟିରୁ ଊର୍ଦ୍ଧ୍ୱ ଲୋକ ସଂକ୍ରମିତ ହୋଇସାରିଥିବା ବେଳେ ୭.୯୮ ଲକ୍ଷ ଲୋକଙ୍କ ମୃତ୍ୟୁ ଘଟିଛି। ଭାରତରେ ମଧ୍ୟ ପ୍ରତିଦିନ ଭୂତାଣୁ ସଂକ୍ରମଣ ବଢ଼ି ବଢ଼ି ଚାଲିଛି। ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଜାରି ତାଜା ତଥ୍ୟ ଅନୁସାରେ ଦେଶରେ ବର୍ତ୍ତମାନ ସଂକ୍ରମିତଙ୍କ ସଂଖ୍ୟା ୩୦,୪୪,୯୪୦ରେ ପହଞ୍ଚିଲାଣି।
ଦେଶରେ ହୁ ହୁ ହୋଇ ବଢ଼ିଚାଲିଛି କରୋନା ସଂକ୍ରମଣ। ୨୦୬ ଦିନରେ ଆକ୍ରାନ୍ତଙ୍କ ସଂଖ୍ୟା ୩୦ ଲକ୍ଷ ଟପିଲାଣି। ଗତ ୨୪ଘଣ୍ଟାରେ (ଶନିବାର ସକାଳ ୮ରୁ ରବିବାର ସକାଳ ୮ ପର୍ୟ୍ୟନ୍ତ) ୬୯,୨୩୯ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାରି ଭିତରେ ୯୧୨ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଥିବା ବେଳେ ବର୍ତ୍ତମାନ ସୁଦ୍ଧା କରୋନା ସଂକ୍ରମିତଙ୍କ ମୃତ୍ୟୁ ସଂଖ୍ୟା ୫୬,୭୦୬ରେ ପହଞ୍ଚିଲାଣି। ତେବେ ୨୨,୮୦,୫୬୬ ଜଣ ଆକ୍ରାନ୍ତ ଚିକିତ୍ସିତ ହୋଇ ସୁସ୍ଥ ମଧ୍ୟ ହୋଇଛନ୍ତି।
ଦେଶରେ କରୋନା ରିକଭରି ରେଟ୍ ଅର୍ଥାତ୍ ସୁସ୍ଥ ହାର ୭୪.୮୯ ପ୍ରତିଶତ ରହିଛି। ପଜିଟିଭିଟି ରେଟ୍ ୮.୬୪ ପ୍ରତିଶତ ରହିଛି। ଅଗଷ୍ଟ ୨୨ରେ ୮,୦୧,୧୪୭ ଟି ନମୁନା ପରୀକ୍ଷଣ କରାଯାଇଥିଲା। ବର୍ତ୍ତମାନ ସୁଦ୍ଧା ସର୍ବମୋଟ ୩,୫୨,୯୨,୨୨୦ଟି ନମୁନା ପରୀକ୍ଷଣ ହୋଇସାରିଛି। ଦେଶର ପ୍ରାୟ ସମସ୍ତ ରାଜ୍ୟ ଏବେ କରୋନା କବଳିତ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
