ନୂଆଦିଲ୍ଲୀ: ପୁଣି ବଢ଼ିଲା ପେଟ୍ରୋଲ, ଡିଜେଲ୍ ଦର। ଶନିବାର ପେଟ୍ରୋଲ ଦର ଲିଟର ପିଛା ୫୯ ପଇସା ବୃଦ୍ଧି ହୋଇଥିବା ବେଳେ ଡିଜେଲ ଲିଟର ପିଛା ୫୮ ପଇସା ବୃଦ୍ଧି କରାଯାଇଛି। ଲଗାତର ୭ ଦିନ ହେଲା ପେଟ୍ରୋଲ, ଡିଜେଲ ଦର ବଢ଼ି ଚାଲିଛି।
ସରକାରୀ ତୈଳ ବିପଣନ କମ୍ପାନୀଗୁଡ଼ିକର ମୂଲ୍ୟ ବିଜ୍ଞପ୍ତି ଅନୁଯାୟୀ ଏଣିକି ଦିଲ୍ଲୀରେ ପେଟ୍ରୋଲର ଦାମ ଲିଟର ପିଛା ୭୪.୫୭ ଟଙ୍କାରୁ ବର୍ଦ୍ଧିତ ହୋଇ ୭୫.୧୬ ଟଙ୍କା ହୋଇଛି। ସେହିପରି ଡିଜେଲ ଦର ଲିଟର ପିଛା ୭୨.୮୧ ଟଙ୍କାରୁ ବଢ଼ି ୭୩.୩୯ ଟଙ୍କା ହୋଇଯାଇଛି।
ସୂଚନାଯୋଗ୍ୟ, ସାରା ଦେଶରେ ଏହି ବର୍ଦ୍ଧିତ ଦର ଲାଗୁ ହେବ। ପ୍ରତ୍ୟେକ ରାଜ୍ୟରେ ଭାଟ୍ କିମ୍ବା ସ୍ଥାନୀୟ ବିକ୍ରି କର ଅନୁସାରେ ପେଟ୍ରୋଲ, ଡିଜେଲ ଦର ଭିନ୍ନ ଭିନ୍ନ ରହିବ। ତେବେ ଏଥରକୁ ମିଶାଇ ଲଗାତର ୭ମ ଥର ପେଟ୍ରୋଲ ଓ ଡିଜେଲ ଦର ବଢ଼ିଛି। ସାତ ଦିନରେ ପେଟ୍ରୋଲ ଲିଟର ପିଛା ସର୍ବୋମୋଟ ୩.୯ ଟଙ୍କା ଏବଂ ଡିଜେଲ ଲିଟର ପିଛା ୪ ଟଙ୍କା ବୃଦ୍ଧି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
