କମିବାର ୨ ଦିନ ନ ପୁରୁଣୁ ପୁଣି ବଢ଼ିଲା

ନୂଆଦିଲ୍ଲୀ: ତୈଳ ଦରରେ କେନ୍ଦ୍ର ସରକାର ଶୁଳ୍କ ଛାଡ଼ କରିବା ପରେ ପୁଣି ଥରେ ଦର ବୃଦ୍ଧି ହୋଇଛି। ଆଜି ରାଜଧାନୀ ଦିଲ୍ଲୀ ସମେତ ବାଣିଜ୍ୟ ନଗରୀ ମୁମ୍ବାଇ ଓ ମେଟ୍ରୋ ସହର ଗୁଡ଼ିକରେ ତୈଳ ଦର ବୃଦ୍ଧି ପାଇଛି । ଦିଲ୍ଲୀରେ ପେଟ୍ରୋଲ ଦର  ୧୪ ପଇସା ବଢି ୮୧ ଟଙ୍କା ୮୨ ପଇସା ଥିବାବେଳେ ଡିଜେଲ ଦର ୨୯ ପଇସା ବଢି ୭୩ ଟଙ୍କା  ୫୩ ପଇସା ରହିଛି  ।

ସେହିଭଳି ମୁମ୍ବାଇରେ ପେଟ୍ରୋଲ ଦର ୮୬ ଟଙ୍କା ୨୯ ପଇସା ଥିବା ବେଳେ ଡିଜେଲ ଦର ୩୧ ପଇସା ବଢି ୭୭ ଟଙ୍କା ୬ ପଇସା ରହିଛି । ତୈଳ ଦର ଶୁଳ୍କ ହ୍ରାସ କରିବାର ୨ ଦିନ ନ ପୁରୁଣୁ ଦର ବୃଦ୍ଧିକୁ ନେଇ ଖାଉଟିଙ୍କ ମହଲରେ ଅସନ୍ତୋଷ ଦେଖାଦେଇଛି।

ସେପଟେ କେନ୍ଦ୍ର ସରକାର ତୈଳ ଦର କମାଇବା ପରେ ଏବେ ରାଜ୍ୟମାନଙ୍କ ଉପରେ ତୈଳ ଦର ହ୍ରାସ ପାଇଁ ଦାବି ଜୋର ଧରୁଛି । ଦେଶର ରାଜଧାନୀ ଦିଲ୍ଲୀରେ ତେଲ ଦର ହ୍ରାସ ହୋଇ ନଥିବାରୁ ଅଭିନବ ଢଙ୍ଗରେ ବିକ୍ଷୋଭ କରିଥିଲା ବିଜେପି ।

ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ବିଜୟ ଗୋୟଲ ବଳଦ ଗାଡିରେ ଆସି ବିକ୍ଷୋଭ କରିଥିଲେ । କେନ୍ଦ୍ର ସରକାର ତୈଳ ଦର ୨ ଟଙ୍କା ୫୦ ପଇସା କମାଇବା ପରେ ଦିଲ୍ଲୀ ସରକାର ବି ତେଲ ଦର କମାଇବା ପାଇଁ ବିଜେପି ପକ୍ଷରୁ ଦାବି ହୋଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।