ବାୟୁସେନା ବିମାନ ଜଳିଗଲା, ପାଇଲଟ୍‌ ସୁରକ୍ଷିତ

 ଯୋଧପୁରରାଜସ୍ଥାନର ଯୋଧପୁର ବନାଡ଼ ଥାନା ଅନ୍ତର୍ଗତ ଦେବାରିଆ ଗାଁ ନିକଟରେ ଆଜି ସକାଳେ ବାୟୁସେନାର ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି।

 ଯାନ୍ତ୍ରିକ ତ୍ରୁଟି ଯୋଗୁ ବାୟୁସେନାର ମିଗ୍‌- ୨୭ ଲଢ଼ୁଆ ବିମାନ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ବିମାନଟି ସମ୍ପୁର୍ଣ୍ଣ ଭାବେ ଜଳି ଯାଇଛି। ହେଲେ ଏଥିରେ ଥିବା ପାଇଲଟ୍ ସୁରକ୍ଷିତ ଅଛନ୍ତି।

 ଦୁର୍ଘଟଣା ପରେ ପରେ ପ୍ରଥମେ ଘଟଣାସ୍ଥଳରେ ଦମକଳ ଗାଡ଼ି ଯାଇ ପହଞ୍ଚିଥିଲା। ଏଥିସହ ଏୟାରଫୋର୍ସ ଅଧିକାରୀ ଓ  ଯବାନ ମଧ୍ୟ ସେଠାରେ ପହଞ୍ଚିଥିଲେ।

 ଏହି ଘଟଣାର କୋର୍ଟ ଅଫ୍‌ ଇନ୍‌କ୍ୱାରୀ ପାଇଁ ନିର୍ଦ୍ଦେଶ ଦିଆଯାଇଥିବା ବାୟୁସେନା ପକ୍ଷରୁ କୁହାଯାଇଛି।

 ବାୟୁସେନାର ଜଣେ ପ୍ରବକ୍ତା କହିଛନ୍ତି,“ସକାଳେ ୮ଟା ୫୦ ମିନିଟ୍‌ରେ ମିଗ୍‌-୨୭ ବିମାନ ଉଡ଼ାଣ ଭରିଥିଲା। ହେଲେ ପ୍ରାୟ ୯ ଟା ୨ମିନିଟ୍‌ ସମୟରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା।” 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।