'କରୋନା ପରେ ସାରା ଦୁନିଆ ବଦଳିଯିବ'

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଆଇଆଇଟି ଦିଲ୍ଲୀର ୫୧ତମ ଦୀକ୍ଷାନ୍ତ ସମାରୋହରେ ଭର୍ଚୁଆଲ୍ ତରିକାରେ ସାମିଲ ହୋଇଛନ୍ତି। ଏହି ଅବସରରେ ସେ ଛାତ୍ରଛାତ୍ରୀଙ୍କୁ ସମ୍ବୋଧିତ କରି କହିଛନ୍ତି, କରୋନା ଭୂତାଣୁ ସଂକ୍ରମଣ କାଳରେ ଟେକ୍ନୋଲୋଜି ମୁଖ୍ୟ ଭୂମିକା ନିର୍ବାହ କରିଛି।

ପ୍ରଧାନମନ୍ତ୍ରୀ କହିଛନ୍ତି ଯେ, କରୋନା ଭୂତାଣୁ ଅନେକ କିଛି ପରିବର୍ତ୍ତନ କରିଦେଲା। ଏହି ସଙ୍କଟ ସମୟରେ ଆମକୁ ନୂଆ ଚିନ୍ତାଧାରାର ଆବଶ୍ୟକ ରହିଛି। କରୋନା ଭୂତାଣୁ ପରେ ଦୁନିଆ ବହୁତ ବଦଳିଯିବ। ଆଉ ଏଥିରେ ସବୁଠାରୁ ବଡ଼ ଭୂମିକା ଟେକ୍ନୋଲୋଜିର ରହିବ। ଛାତ୍ରଛାତ୍ରୀମାନଙ୍କ ନିକଟରେ ଆଜି ଟେକ୍ନୋଲୋଜି ଶିକ୍ଷା ଲାଭ କରିବାର ସୁଯୋଗ ରହିଛି। କୃଷି ଏବଂ ଅନ୍ତରୀକ୍ଷ କ୍ଷେତ୍ରରେ ମଧ୍ୟ ନୂଆ ନୂଆ ସୁଯୋଗ ଓ ସମ୍ଭାବନା ଆସୁଛି। ସମାଜକୁ ଆଗକୁ ନେବା ଆପଣମାନଙ୍କ ଲକ୍ଷ୍ୟ ହେବା ଉଚିତ୍ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି।

ସମାରୋହରେ ଛାତ୍ରଛାତ୍ରୀଙ୍କୁ ସମ୍ୱୋଧିତ କରି ମୋଦି କହିଛନ୍ତି ଯେ, କୋଭିଡ୍-୧୯ ସାରା ଦୁନିଆକୁ ଗୋଟିଏ ଶିକ୍ଷା ଦେଇଛି। ଗ୍ଲୋବାଲାଇଜେସନ ମହତ୍ୱପୂର୍ଣ୍ଣ ଅଟେ। ହେଲେ ଏହା ସହ ଆତ୍ମନିର୍ଭରତା ମଧ୍ୟ ସେତିକ ମହତ୍ୱପୂର୍ଣ୍ଣ ବୋଲି ମୋଦି କହିଛନ୍ତି। ଆତ୍ମନିର୍ଭର ଭାରତ ଅଭିଯାନର ସଫଳତା ପାଇଁ ଏହା ଏକ ବହୁତ ବଡ଼ ଶକ୍ତି ବୋଲି ସେ କହିଛନ୍ତି।

ये मंत्र है:

Focus on quality; never compromise.

Ensure scalability; make your innovations work at a mass scale.

Assure reliability; build long-term trust in the market

Bring in adaptability; be open to change and expect uncertainty as way of life: PM

— PMO India (@PMOIndia) November 7, 2020

ମୋଦି ପୁଣି କହିଛନ୍ତି, ଆପଣ ଏଠାରୁ ଯଦି ଯିବେ ଆପଣଙ୍କୁ ମଧ୍ୟ ନୂଆ ମନ୍ତ୍ର ନେଇ କାମ କରିବାକୁ ହେବ। ଆପଣଙ୍କ ମନ୍ତ୍ର ଫୋକସ୍ ଏବଂ କ୍ୱାଲିଟି ହେବା ଉଚିତ୍ ବୋଲି ଛାତ୍ରଛାତ୍ରୀଙ୍କୁ ମୋଦି ପରାମର୍ଶ ଦେଇଛନ୍ତି। ସେ କହିଛନ୍ତି, ଦୁଇ ଦିନ ପୂର୍ବରୁ ବିପିଓ ସେକ୍ଟରରେ ବ୍ୟବସାୟ ସରଳ କରିବାକୁ ଏକ ବଡ଼ ପଦକ୍ଷେପ ନିଆଯାଇଛି। ଆମ ଦେଶ ଆଇଟି ସେକ୍ଟର କ୍ଷେତ୍ରରେ ବିଶ୍ୱ ସ୍ତରୀୟ ପ୍ରତିଯୋଗିତାରେ ସାମିଲ ହେବ ଏବଂ ଆପଣମାନଙ୍କ ଭଳି ଯୁବ ପ୍ରତିଭାଙ୍କୁ ଅଧିକରୁ ଅଧିକ ସୁଯୋଗ ଦିଆଯିବ ବୋଲି ସେ କହିଛନ୍ତି।