ଚେନ୍ନାଇ: ମାର୍ଚ୍ଚ ୧୩ରେ ଚେନ୍ନାଇ ସ୍ଥିତ ଷ୍ଟେଲା ମ୍ୟାରିଜ କଲେଜରେ ଛାତ୍ରଛାତ୍ରୀଙ୍କ ସହ ରାହୁଲଗାନ୍ଧୀ କରିଥିବା ସଭା ନିର୍ବାଚନ ଆଚରଣବିଧି ଉଲ୍ଲଂଘନ କରୁନାହିଁ। ନିର୍ବାଚନ କମିଶନ ତାମିଲନାଡ଼ୁ ନିର୍ବାଚନ ଅଧିକାରୀଙ୍କ ସହ ଆଲୋଚନା କରିବା ପରେ ଏହା କହିଛନ୍ତି।
ଛାତ୍ରଛାତ୍ରୀଙ୍କ ସହ ଆଲୋଚନା ବେଳେ ନିଜର ବକ୍ତବ୍ଯ ରଖିଥିଲେ ରାହୁଲ ଗାନ୍ଧୀ ତେଣୁ ଏହା ଆଚରଣ ବିଧି ଉଲ୍ଲଂଘନ ନୁହେଁ ବୋଲି ତାମିଲନାଡ଼ୁ ନିର୍ବାଚନ ଅଧିକାରୀ ସତ୍ଯବ୍ରତ ସାହୁ କହିଛନ୍ତି। ଜିଲ୍ଲା ପ୍ରଶାସନ ଏ ବାବଦରେ ପୂର୍ବରୁ ଅବଗତ ଥିଲା, ଗାନ୍ଧୀଙ୍କ ନାମରେ ଏହି ଆଲୋଚନାଚକ୍ର ଆୟୋଜନ ହୋଇଥିଲା ବୋଲି ତାମିଲନାଡୁ ନିର୍ବାଚନ ଅଧିକାରୀ କହିଛନ୍ତି।
ତେବେ ଏକ ଶିକ୍ଷାନୁଷ୍ଠାନରେ ରାହୁଲଙ୍କ ଏହି ଆଲୋଚନା ନିର୍ବାଚନ ଆଚରଣ ବିଧି ଉଲ୍ଲଂଘନ କରୁଥିବା କହି ତଦନ୍ତ ଦାବି କରିଥିଲା ତାମିଲନାଡୁ ସରକାର। ଏହାପରେ ଚେନ୍ନାଇ ସ୍ଥିତ ଷ୍ଟେଲା ମ୍ଯାରସ୍ କଲେଜକୁ ନୋଟିସ ପଠାଯାଇ ଜବାବ ତଲବ କରାଯାଇଥିବା ସୂଚନା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
