ମୁମ୍ବାଇ ପୁଲିସର ମୁଖା ଖୋଲିଦେଲା ରିୟାଙ୍କ କଲ୍ ରେକର୍ଡସ୍

ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ତଦନ୍ତ ପ୍ରକ୍ରିୟା ଜୋର୍ ଧରିଛି। ଏପଟେ ମୁମ୍ବାଇସ୍ଥିତ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କାର୍ଯ୍ୟାଳୟରେ ରିୟାଙ୍କୁ ଜେରା ଚାଲିଥିବା ବେଳେ ଅନ୍ୟପଟେ ରିୟାଙ୍କ କଲ୍ ରେକର୍ଡ ସାମ୍ନାକୁ ଆସିଛି। ତେବେ କଲ୍ ରେକର୍ଡସରୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଛି।

ରିୟାଙ୍କ କଲ୍ ରେକର୍ଡରୁ ସବୁଠାରୁ ବଡ଼ ଖୁଲାସା ହୋଇଛି। ଜୁନ୍ 21ରୁ 18 ଜୁଲାଇ ଭିତରେ ମୁମ୍ବାଇ ବାନ୍ଦ୍ରା ଥାନା ଡିସିପି ଅଭିଷେଖ ତ୍ରିମୁଖେ ରିୟାଙ୍କ ସହ 5 ଥର ଯୋଗାଯୋଗ କରିଛନ୍ତି। 4ଥର ଫୋନ୍ କଲରେ ଯୋଗାଯୋଗ ହୋଇଥିବା ବେଳେ ଗୋଟିଏ ଥର ମେସେଜ କରାଯାଇଛି। ତେବେ ଏଥିରେ ସନ୍ଦେହଜନକ ବିଷୟଟି ହେଲା ଏ ସବୁ କଲ୍ ଅବଧି ମାତ୍ର କେଇ ସେକେଣ୍ଡ ପାଇଁ ରହିଛି।

ଡିସିପି ତ୍ରିମୁଖେ 20 ଜୁନ ରିୟାଙ୍କୁ ପ୍ରଥମେ ମେସେଜ କରିଥିଲେ ବୋଲି ରିୟାଙ୍କ କଲ୍ ରେକର୍ଡରୁ ଜଣାପଡ଼ିଛି। ଏହାପରେ 21 ଜୁନ୍, 22 ଜୁନ୍, 1 ଜୁଲାଇ ଏବଂ 18 ଜୁଲାଇରେ ରିୟାଙ୍କ ସହ ଫୋନ୍ କଲ୍ ଜରିଆରେ ଯୋଗାଯୋଗରେ ଥିଲେ ଡିସିପି। କିନ୍ତୁ 4ଟି ଫୋନ୍ କଲ୍ ଅବଧି ଥିଲା 28 ସେକେଣ୍ଡ, 29 ସେକେଣ୍ଡ, 61 ସେକେଣ୍ଡ ଓ 66 ସେକେଣ୍ଡ। ତେବେ 2ଥର ଡିସିପି ରିୟାଙ୍କୁ କଲ୍ କରିଥିବା ବେଳେ 2 ଥର ରିୟା ଡିସିପି ତ୍ରିମୁଖେଙ୍କୁ କଲ୍ କରିଥିବା କଲ୍ ରେକର୍ଡସରୁ ଜଣାପଡ଼ିଛି।

ଏଠାରେ କହି ରଖୁଛୁ ଯେ, ସୁଶାନ୍ତ ମୃତ୍ୟୁ ମାମଲାର ତଦନ୍ତ ପ୍ରକ୍ରିୟାରେ ବିହାର ପୁଲିସକୁ ମୁମ୍ବାଇ ପୁଲିସ ସହଯୋଗ କରୁ ନ ଥିବା ନେଇ ଗତ କିଛି ଦିନ ହେଲା ଚର୍ଚ୍ଚା ଜୋର୍ ଧରିଥିଲା। ଏପରି କି ପାଟନା ପୁଲିସର ବରିଷ୍ଠ ପୁଲିସ ଅଧିକାରୀଙ୍କୁ ଜବରଦସ୍ତ କ୍ୱାରେଣ୍ଟାଇନରେ ମଧ୍ୟ ରଖାଯାଇଥିଲା। ଏହାସହ ମୁମ୍ବାଇ ପୁଲିସ ଜାଣିଶୁଣି ସୁଶାନ୍ତଙ୍କ ପୂର୍ବ ମ୍ୟାନେଜର ଦିଶା ସାଲିଆନଙ୍କ ମୃତ୍ୟୁ ଫାଇଲ୍ ଡିଲିଟ୍ କରିଥିବା ଅଭିଯୋଗ ମଧ୍ୟ ଉଠିଥିଲା। ଏ ସବୁ ପରେ ରିୟାଙ୍କୁ ସୁଶାନ୍ତ ମୃତ୍ୟୁ ମାମଲାରୁ ବଞ୍ଚେଇବା ଲାଗି ମୁମ୍ବାଇ ପୁଲିସ ସହଯୋଗ କରୁଥିବା ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା।

ଅନ୍ୟପଟେ ରିୟା ମଧ୍ୟ ତଦନ୍ତ ପ୍ରକ୍ରିୟାରେ ସହଯୋଗ କରୁ ନ ଥିବା ନେଇ ବିହାର ପୁଲିସ ଖୁଲାସା କରିଥିଲା। ଏପଟେ ମୁମ୍ବାଇ ପୁଲିସ ରିୟାଙ୍କ ବାବଦରେ କୌଣସି ତଥ୍ୟ ନ ଥିବା କହିଥିଲା। ତେବେ କଲ୍ ରେକର୍ଡସରୁ ମୁମ୍ବାଇ ପୁଲିସର ମିଛ ଧରାପଡ଼ିଛି। ରିୟାଙ୍କ ସହ ଫୋନ୍ ଯୋଗାଯୋଗ ଥିବା ବେଳେ କାହିଁକି ମୁମ୍ବାଇ ପୁଲିସ ଏହା ଲୁଚାଇବାକୁ ଚେଷ୍ଟା କରୁଥିଲା ତାହା ସବୁଠାରୁ ବଡ଼ ପ୍ରଶ୍ନ।

ଏହାସହ 4ଟି କଲ୍ ଅବଧିକୁ ନେଇ ଏବେ ସନ୍ଦେହ ଆହୁରି ଘନେଇଛି। ଯଦି ତଦନ୍ତ ପ୍ରକ୍ରିୟା ଅନୁଯାୟୀ ଡିସିପି ରିୟାଙ୍କୁ ବା ରିୟା ଡିସିପିଙ୍କୁ କଲ୍ କରିଥିଲେ 28, 29, 61, 66 ସେକେଣ୍ଡରେ ଏପରି କେଉଁ ବିଷୟରେ କଥା ହେଲେ। କଲ୍ କରି ମାତ୍ର କେଇଟା ସେକେଣ୍ଡରେ ଡିସିପି ନିର୍ଦ୍ଦିଷ୍ଟ ସୂଚନା କିମ୍ବା ଯୋଗାଯୋଗ ପାଇଁ ଅନ୍ୟ ମାଧ୍ୟମ ବ୍ୟବହାର କରିବାକୁ ରିୟାଙ୍କୁ କହିଥିବା ସନ୍ଦେହ କରାଯାଉଛି। ଯେପରି ହ୍ୱାଟସ୍ ଆପ୍ ଭଳି ମେସେଞ୍ଜର କଲ୍ ଜରିଆରେ ଯୋଗାଯୋଗ କଲେ କଲ୍ ରେକର୍ଡ ବାହାର କରିବା ସମ୍ଭବ ନୁହେଁ। ଏଭଳି ବିଭିନ୍ନ ପ୍ରଶ୍ନବାଚୀ ଉଠୁଥିବା ବେଳେ ମୁମ୍ବାଇ ପୁଲିସର ରିୟାଙ୍କ ପାଇଁ ଥିବା ଦରଦ ପଦାରେ ପଡ଼ିଛି।

ଆହୁରି ପଢ଼ନ୍ତୁ

ଟ୍ରମ୍ପଙ୍କ ଆଦେଶ ଉପରେ ରୋକ୍ ଲଗାଇଲେ ସ୍ଥାନୀୟ କୋର୍ଟ

ସ୍ତ୍ରୀଙ୍କୁ ପିଟିଲେ ସ୍ୱତନ୍ତ୍ର ଡିଜି; କହିଲେ ପତ୍ନୀ କରୁଛନ୍ତି ଗୁଇନ୍ଦାଗିରି

ବଢ଼ୁଛି ମନ୍ଦିର ଦାନବାକ୍ସରୁ ଚୋରି ଘଟଣା, ସକ୍ରିୟ ଗ୍ୟାଙ୍ଗକୁ ବାନ୍ଧିଲା ପୁଲିସ୍

କୃଷି ବିଲ୍ ବିରୋଧରେ ଛତିଶଗଡ ବିଧାନସଭାରେ ଆସିବ ପ୍ରସ୍ତାବ

ବିକାଶ ଦୁବେ ଘଟଣାର ପୁନରାବୃତ୍ତି ! ଫେରାର ଗ୍ୟାଙ୍ଗଷ୍ଟାର ୟୁପି ଆସୁଥିବା ବେଳେ ଦୁର୍ଘଟଣାରେ ମୃତ୍ୟୁ

‘ମୋଦିଙ୍କ ପାଇଁ ପିଓକେର ଆଶା ବଢ଼ିଛି, ଆମେ ଭାରତରେ ସାମିଲ୍ ହେବାକୁ ଇଚ୍ଛୁକ’

ଏଲଜେପିର ଚାରି ସାଂସଦ ବିଜେପି ଲିଙ୍କରେ, ଏନଡିଏରେ ବଢ଼ିବ ଅସନ୍ତୋଷ!

ବିଶ୍ୱରେ ୧୦ ଲକ୍ଷ ଅତିକ୍ରମ କଲା କରୋନା ମୃତକଙ୍କ ସଂଖ୍ୟା

‘ଯଦି ମୁଁ କରୋନାରେ ଆକ୍ରାନ୍ତ ହେବି, ତା’ହେଲେ ମମତାଙ୍କୁ ଆଲିଙ୍ଗନ କରିବି’

ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ସଫା, ଯବାନ ଆହତ

ସଞ୍ଜୟ ରାଉତ-ଫଡନାଭିସ ଆଲୋଚନାର ଇଫେକ୍ଟ: ଉଦ୍ଧବ ଓ ଶରଦ ପାୱାରଙ୍କ ରୁଦ୍ଧଦ୍ୱାର ବୈଠକ

କୋଇଲା ଖଣିରେ ଭୟଙ୍କର ଦୁର୍ଘଟଣା: ୧୬ ମୃତ