ନୂଆଦିଲ୍ଲୀ: ଆଖିମରା ଭିଡିଓକୁ ନେଇ ଚର୍ଚ୍ଚାରେ ଥିବା ମାଲାୟଲମ୍ ଅଭିନେତ୍ରୀ ପ୍ରିୟା ପ୍ରକାଶ ୱାରିଅରଙ୍କୁ ସୁପ୍ରିମକୋର୍ଟରୁ ଆଜି ଆଶ୍ୱସ୍ତି ମିଳିଛି। ପ୍ରିୟାଙ୍କ ଆଖିମରା ଗୀତକୁ ନେଇ ହୋଇଥିବା ସମସ୍ତ ମାମଲାକୁ ସର୍ବୋଚ୍ଚ ଅଦାଲତ ଖାରଜ କରିଦେଇଛନ୍ତି।
ପ୍ରଧାନ ବିଚାରପତି ଜଷ୍ଟିସ୍ ଦୀପକ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ଏକ ବେଞ୍ଚ ଏହି ମାମଲାର ଶୁଣାଣି କରି ଆବେଦନକାରୀଙ୍କୁ କଡ଼ା ଭର୍ତ୍ସନା କରିଛନ୍ତି। କେଉଁ ଆଧାରରେ ଏପରି ମାମଲା ରୁଜୁ ହୋଇଥିଲା, ଆବେଦନକାରୀଙ୍କ ଆଉ କିଛି କାମ ନାହିଁ କି ବୋଲି କହି ଜଷ୍ଟିସ୍ ମିଶ୍ର ପ୍ରଶ୍ନ କରିଛନ୍ତି।
ପ୍ରକାଶ ଥାଉକି, 'ଓରୁ ଆଦାର ଲଭ୍' ଫିଲ୍ମର ଏକ ଗୀତରେ ପ୍ରିୟାଙ୍କ ଆଖି ମାରିବା ଦୃଶ୍ୟ ରହିଥିଲା। ଏହି ଲୋକଗୀତ ସହ ମୁସଲମାନମାନଙ୍କ ଧର୍ମୀୟ ବିଶ୍ଵାସ ଜଡ଼ିତ ଥିବାରୁ ଗୀତର ପିକଚରାଇଜେସନ ବେଳେ ପ୍ରିୟାଙ୍କ ଆଖି ମାରିବା ସେମାନଙ୍କ ଭାବନା ପ୍ରତି କୁଠାରାଘାତ ବୋଲି ଦର୍ଶାଇବା ସହ ଆଖି ମାରିବା ଏକ ଅସଭ୍ୟ ଆଚରଣ ବୋଲି କହି ହାଇଦ୍ରାବାଦରେ ଏକ ମାମଲା ରୁଜୁ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
