ଦିଶାଙ୍କ ମୃତ୍ୟୁ ପରେ ସୁଶାନ୍ତଙ୍କଠାରୁ ଦୂରେଇ ଯାଇଥିଲେ ରିୟା, କିନ୍ତୁ କାହିଁକି?

ମୁମ୍ୱାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାକୁ ନେଇ ଦୀର୍ଘ ଦିନ ହେଲା ଚର୍ଚ୍ଚା ଓ ବିବାଦ ଲାଗି ରହିଛି। ଜୁନ 14ରେ ସୁଶାନ୍ତଙ୍କ ଝୁଲନ୍ତା ମୃତଦେହ ମିଳିବା ପରଠାରୁ ଅନେକ ପ୍ରଶ୍ନବାଚୀ ସୃଷ୍ଟି ହୋଇଥିବା ବେଳେ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ରହିଛନ୍ତି ସନ୍ଦେହ ଘେରରେ। ପରବର୍ତ୍ତୀ ସମୟରେ ସୁଶାନ୍ତଙ୍କ ବାପା କେ.କେ. ସିଂହ ରିୟାଙ୍କ ବିରୁଦ୍ଧରେ ଥାନାରେ ଅଭିଯୋଗ କରିବା, ତଦନ୍ତ ପାଇଁ ମୁମ୍ବାଇରେ ବିହାର ପୁଲିସ ପହଞ୍ଚିବା, ଇଡି ପକ୍ଷରୁ ରିୟାଙ୍କୁ ସମନ ଯିବା ଏବଂ ବର୍ତ୍ତମାନ କେନ୍ଦ୍ର ସରକାର ମାମଲାର ସିବିଆଇ ତଦନ୍ତ ପାଇଁ ରାଜି ହୋଇଯିବା ସମ୍ପୂର୍ଣ୍ଣ ଘଟଣାକୁ ଆହୁରି ରହସ୍ୟମୟ କରିଦେଇଛି।

ଏସବୁ ଭିତରେ ଦିନକୁ ଦିନ ଅଧିକ ଛନ୍ଦି ହୋଇଯାଉଛନ୍ତି ଅଭିନେତ୍ରୀ ରିୟା ଚକ୍ରବର୍ତ୍ତୀ। ଗୋଟିଏ ପଟେ ଆଇନ ଅନୁଯାୟୀ ତାଙ୍କ ପାଇଁ ଅଡ଼ୁଆ ବଢ଼ି ଯାଇଥିବା ବେଳେ ଅନ୍ୟପଟେ ସୁଶାନ୍ତଙ୍କ ପ୍ରଶଂସକ ମହଲରେ ମଧ୍ୟ ରିୟା ଖୁବ୍ ବିବାଦୀୟ। ଏପରି କି ସୁଶାନ୍ତଙ୍କ ବ୍ୟଙ୍କ୍ ଆକାଉଣ୍ଟରୁ 15 କୋଟି ଟଙ୍କା ହେରଫେର୍ କରିଥିବା ନେଇ ରିୟାଙ୍କ ନାଁ ଅଭିଯୋଗ ରହିଛି। ଏନେଇ ଆସନ୍ତା କାଲି ମୁମ୍ବାଇସ୍ଥିତ ଇଡି କାର୍ଯ୍ୟାଳୟରେ ରିୟାଙ୍କୁ ହାଜର ହେବାକୁ ସମନ କରାଯାଇଛି। ଏହାର ଦିନକୁ ପୂର୍ବରୁ ଆଉ ଏକ ଚାଞ୍ଚଲ୍ୟକର ତଥ୍ୟର ଖୁଲାସା ହୋଇଛି।

ସୁଶାନ୍ତ ସିଂହ ରାଜପୁତଙ୍କ କଲ୍ ରେକର୍ଡ ଆସିଯାଇଛି। ଏଥିରୁ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଛି। ରିପୋର୍ଟ ଅନୁଯାୟୀ, ରିୟା ଏବଂ ସୁଶାନ୍ତ ଜୁନ୍ 8ରୁ 14 ଯାଏଁ ଯୋଗାଯୋଗରେ ନ ଥିଲେ। ଏହା ପ୍ରକୃତରେ ଖୁବ୍ ଆଶ୍ଚର୍ଯ୍ୟଜନକ। ଉକ୍ତ ସମୟ ସୁଶାନ୍ତଙ୍କ ପାଇଁ ଖୁବ୍ କଠିନ ଓ ଚାପଗ୍ରସ୍ତ ଥିଲା। ପୂର୍ବତନ ମ୍ୟାନେଜର ଦିଶା ସାଲିଆନଙ୍କ ମୃତ୍ୟୁ ନେଇ ସୁଶାନ୍ତ ମାନସିକ ଚାପରେ ଥିଲେ।

ସୂଚନା ଥାଉ କି, ଜୁନ୍ 8ରେ ଦିଶାଙ୍କ ମୃତ୍ୟୁ ଘଟିଥିଲା। ଏହା ପରଠାରୁ ସୁଶାନ୍ତଙ୍କ ମାନସିକ ଅବସ୍ଥା ଜାଣି ମଧ୍ୟ ରିୟା ତାଙ୍କଠାରୁ ଦୂରେଇ ଯାଇଥିଲେ।

ଏହାରି ଭିତରେ ସୁଶାନ୍ତଙ୍କ ମୃତ୍ୟୁ ମାମଲାରେ ଖୋଳତାଡ଼ କରିବାକୁ ମୁମ୍ବାଇ ଆସିଥିବା ବିହାର ପୁଲିସ ଟିମ୍ ଆଜି ପାଟନା ଫେରିଯାଇଛନ୍ତି। ତେବେ ବିହାର ଆଇପିଏସ ଅଫିସରଙ୍କୁ ବିଏମସି ପକ୍ଷରୁ କ୍ୱାରେଣ୍ଟାଇନରେ ରଖାଯାଇଛି।

ଆହୁରି ପଢ଼ନ୍ତୁ

ଏନଡିଏର ଅର୍ଥ ‘ନୋ ଡାଟା ଏଭେଲେବୁଲ’: ଶଶୀ ଥରୁର

ଟସ୍ ଜିତିଲା ସୁପର୍ କିଙ୍ଗସ୍, ପ୍ରଥମେ ବୋଲିଂ ନିଷ୍ପତ୍ତି

ଅକ୍ଟୋବର ୬ ତାରିଖ ଯାଏଁ ଜେଲ୍‌ରେ ରହିବେ ରିଆ

ଆନ୍ଦୋଳନରତ ସାଂସଦଙ୍କ ପାଖକୁ ଚା’ ନେଇଗଲେ ହରିବଂଶ, ପ୍ରଶଂସା କଲେ ପ୍ରଧାନମନ୍ତ୍ରୀ

୨୨ ସେପ୍ଟେମ୍ବର, ମଙ୍ଗଳବାର: ବନ୍ଧୁଙ୍କ ସହଯୋଗ ମିଳିବ

ଆଇସିୟୁରେ ଭର୍ତ୍ତି ହେଲେ କେନ୍ଦ୍ରମନ୍ତ୍ରୀ

ରାଜ୍ୟସଭା ଉପାଧ୍ୟକ୍ଷ ହରିବଂଶଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ଖାରଜ

ହଙ୍ଗାମା କରି ସସ୍‌ପେଣ୍ଡ ହେଲେ ରାଜ୍ୟସଭାର ୮ ସାଂସଦ

୨୧ ସେପ୍ଟେମ୍ବର, ସୋମବାର: ପରିଶ୍ରମ ଅନୁସାରେ ସଫଳତା ପାଇବେ

ନେପୋଟିଜିମ୍ ପାଇଁ କିଏ ଦାୟୀ? ଜବାବ ରଖିଲେ ନଓ୍ୱାଜୁଦ୍ଦିନ ସିଦ୍ଦିକି

କଥା ଦେଇ କଥା ରଖିଲେ, ନମିତାଙ୍କୁ ଜଗନ୍ନାଥ ଭଜନ ଗାଇବାର ସୁଯୋଗ ଦେଲେ ବର୍ଷା

ଆସୁଛି ‘ଫେଲୁଦା’, କମ୍‌ ଖର୍ଚ୍ଚରେ ଅଧାଘଣ୍ଟାରେ ହେବ କୋଭିଡ୍ ଟେଷ୍ଟ୍