ପରଲୋକରେ ବଲିଉଡ ଫିଲ୍ମ 'ଭିକି ଡୋନର'ର ଅଭିନେତା

ନୂଆଦିଲ୍ଲୀ: ବଲିଉଡ୍‌ ଅଭିନେତା ଭୂପେଶ ପାଣ୍ଡ୍ୟାଙ୍କ ପରଲୋକ ହୋଇଯାଇଛି। ବଲିଉଡର ସୁପରହିଟ୍ ଫିଲ୍ମ 'ଭିକି ଡୋନର'ରେ ଅଭିନୟ କରିଥିଲେ ଭୂପେଶ। ସେ ଫୁସ୍‌ଫୁସ୍ କ୍ୟାନସରରେ ଆକ୍ରାନ୍ତ ଥଲେ। ଆଜି ତାଙ୍କର ଦେହାନ୍ତ ହୋଇଛି। ନ୍ୟାଶନାଲ ସ୍କୁଲ୍ ଅଫ୍ ଡ୍ରାମା ପକ୍ଷରୁ ଟ୍ୱିଟ୍ କରି ଏହି ସୂଚନା ଦିଆଯାଇଛି। ସେ ଏନଏସଡିର ୨୦୦୧ ବ୍ୟାଚ୍‌ର ଛାତ୍ର ଥିଲେ।

https://twitter.com/nsd_india/status/1308734110387433476

ଭୂପେଶଙ୍କ ବିୟୋଗରେ ବଲିଉଡ କଳାକାର ମନୋଜ ବାଜପେୟୀ ଏବଂ ଗଜରାଜ ରାଓ ପ୍ରମୁଖ ଟ୍ୱିଟ୍ କରି ଶୋକ ପ୍ରକାଶ କରିଛନ୍ତି। ନିକଟରେ ଏହି ଦୁଇ ଅଭିନେତା ଭୂପେଶଙ୍କ ଚିକିତ୍ସା ପାଇଁ ଫଣ୍ଡ ଯୋଗାଡ କରୁଥିଲେ। ଭୂପେଶ କ୍ୟାନ୍‌ସର୍‌ର ଷ୍ଟେଜ୍ ଫୋର୍‌ରେ ଥିଲେ।

ଭୂପେଶ ଅନେକ ଓ୍ୱେବ୍ ସିରିଜରେ ମଧ୍ୟ କାମ କରିଥିଲେ।

https://twitter.com/BajpayeeManoj/status/1308742894438809600