ଇନୋଭା ଓ ବସ୍‌ ମଧ୍ୟରେ ମୁହାଁମୁହିଁ ଧକ୍କା: ୨ ଛୋଟ ପିଲାଙ୍କ ସହ ୧୦ ମୃତ

କୋଲେଗାଲା- ଟି ନାରାସିପୁରା ମୁଖ୍ୟ ରାସ୍ତାରେ ଥିବା କୁରୁବୁରୁ ଗାଁ ପାଖରେ ଏହି ଦୁର୍ଘଟଣା ଘଟିଛି। ଇନୋଭାରେ ମୋଟ ୧୧ ଜଣ ଲୋକ ଥିଲେ। ଜଣଙ୍କୁ ଛାଡ଼ି ଆଉ ସମସ୍ତେ ପ୍ରାଣ ହରାଇଛନ୍ତି।

Karnataka

ଦୁର୍ଘଟଣାଗ୍ରସ୍ତ ଇନୋଭା

Hemant Lenka
  • Published: Monday, 29 May 2023
  • Updated: 29 May 2023, 07:19 PM IST

Sports

Latest News

କର୍ଣ୍ଣାଟକାର ତିରୁମାକୁଡାଲୁ ନାସିପୁରା ସହରର ନିକଟରେ ଆଜି ଭୟଙ୍କର ଦୁର୍ଘଟଣା ଘଟିଛି। ଗୋଟିଏ ଇନୋଭା କାର୍‌ ଓ ବସ୍‌ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ୨ ଜଣ ଛୋଟ ପିଲାଙ୍କ ସହ ୧୦ ଜଣଙ୍କ ମୃତ୍ୟୁ ଘଟିଛି। ଦୁର୍ଘଟଣାରେ ଇନୋଭାଟି ସଂପୂର୍ଣ୍ଣ ଭାବେ କ୍ଷତିଗ୍ରସ୍ତ ହୋଇଛି।

ରିପୋର୍ଟ ଅନୁସାରେ, କୋଲେଗାଲା- ଟି ନାରାସିପୁରା ମୁଖ୍ୟ ରାସ୍ତାରେ ଥିବା କୁରୁବୁରୁ ଗାଁ ପାଖରେ ଏହି ଦୁର୍ଘଟଣା ଘଟିଛି। ଇନୋଭାରେ ମୋଟ ୧୧ ଜଣ ଲୋକ ଥିଲେ। ଜଣଙ୍କୁ ଛାଡ଼ି ଆଉ ସମସ୍ତେ ପ୍ରାଣ ହରାଇଛନ୍ତି।

Also Read

ଆହତ ବ୍ୟକ୍ତିଙ୍କୁ ଦୁର୍ଘଟଣାଗ୍ରସ୍ତ ଗାଡ଼ିରୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣାରେ କାର୍‌ଟି ସଂପୂର୍ଣ୍ଣ ଚୂରମାର ହୋଇଯାଇଥିବା ସାମ୍ନାକୁ ଆସିଥିବା ଫଟୋରୁ ଦେଖିବାକୁ ମିଳିଛି।

କର୍ଣ୍ଣାଟକା ମୁଖ୍ୟମନ୍ତ୍ରୀ ସିଦ୍ଦରମୈୟା ଘଟଣାରେ ଶୋକ ପ୍ରକାଶ କରିଛନ୍ତି। ଏଥିସହ ମୃତଙ୍କ ପରିବାର ଲୋକଙ୍କ ପାଇଁ ୨ ଲକ୍ଷ ଟଙ୍କାର ଆର୍ଥିକ ସହାୟତା ଘୋଷଣା କରିଛନ୍ତି। ଏଥିସହ ଆହତଙ୍କୁ ସମସ୍ତ ପ୍ରକାରର ଚିକିତ୍ସା ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos