ବାପା ବିଗିଡ଼ିବାରୁ ମାତ୍ର ୧୦ ବର୍ଷର ପୁଅ ନେଲେ ଚରମ ପଦକ୍ଷେପ । ବାପାଙ୍କ ଗାଳି ସହି ନ ପାରି ଛାତ ଉପରକୁ ଯାଇ ବେକରେ ରଶି ଦେଇ ଝୁଲି ପଡ଼ିଲେ ଜଣେ ତୃତୀୟ ଶ୍ରେଣୀ ଛାତ୍ର। ଏପରି ହୃଦୟ ବିଦାୟର ଘଟଣା ଫରିଦାବାଦରେ ଘଟିଛି।
ପୁଲିସ୍ ସୂଚନା ଅନୁଯାୟୀ, ନାବାଳକଙ୍କ ବାପା ଜଣେ କାର୍ ଚାଳକ ହୋଇଥିବା ବେଳେ ପତ୍ନୀ, ପୁଅ ଓ ଝଅ ସହ ସେ ଫରିଦାବାଦରେ ଭଡ଼ା ଘରେ ରହୁଥିଲେ। ଶନିବାର ସନ୍ଧ୍ୟାରେ ସେ ଘରକୁ ଫେରି ପୁଅ ପାଠ ନ ପଢ଼ି ଖେଳୁଥିବା ଦେଖିବାକୁ ପାଇଲେ। ଏହା ଦେଖି ସେ ପୁଅକୁ ଗାଳି କରିଥିଲେ। ଏହାପରେ ପିଲାଟି ଛାତ ଉପରକୁ ଚାଲି ଯାଇଥିଲା।
କିଛି ସମୟ ପରେ ପରିବାର ଲୋକେ ଖୋଜାଖୋଜି କରି ଛାତ ଉପରେ ପିଲାଟି ବେକରେ ରଶି ଲଗାଇ ଝୁଲି ପଡ଼ିଥିବା ଦେଖିବାକୁ ପାଇଲେ। ପରିବାର ଲୋକେ ତୁରନ୍ତ ପିଲାଟିକୁ ନିକଟସ୍ଥ ହସ୍ପିଟାଲ ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କଲେ।
ଖବର ପାଇ ପୁଲିସ୍ ପହଞ୍ଚି ଶବ ଜତବ କରି ବ୍ୟବଚ୍ଛେଦ ପାଇଁ ପଠାଇଛି। ଏଥିସହ ମୃତକଙ୍କ ପରିବାର ଲୋକଙ୍କୁ ପଚରାଉଚରା କରୁଛି। ଏହି ଘଟଣା ଯୋଗୁ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି।
ଟିଭି ତଥା ମୋବାଇଲରେ ଅଧିକ ସମୟ ପିଲାମାନେ ବ୍ୟସ୍ତ ରହୁଥିବାରୁ ସେମାନେ ମାନସିକ ଭାବେ ଏକପ୍ରକାର ରୋଗୀ ପାଲଟଇ ଯାଉଛନ୍ତି। ତେଣୁ ସେମାନଙ୍କୁ ଏଥିରୁ ଦୂରେଇ ରଖି ସେମାନଙ୍କ ସହ ଅଧିକ ସମୟ ବିତାଇବା ଉଚିତ ବୋଲି ମାନସିକ ରୋଗ ବିଶେଷଜ୍ଞ ପରାମର୍ଶ ଦେଇଛନ୍ତି।