ମାନବ ଚୋରାଚାଲାଣ କରୁଥିବା ଗ୍ୟାଙ୍ଗର ଠକାମୀରେ ଫସି କାମ୍ବୋଡିଆରେ ସାଇବର କ୍ରୀତଦାସ ଭାବେ ରହିଥିବା ୧୪ ଭାରତୀୟ ମୁକୁଳିଛନ୍ତି। ସେମାନେ ସେଠାକୁ ମୁକୁଳିବା ପରେ ମଧ୍ୟ ସ୍ୱଦେଶ ଫେରି ପାରି ନାହାନ୍ତି। ଏଥିପାଇଁ ସେମାନେ ଗୋଟିଏ ଭିଡିଓ ଜାରି କରି ଭାରତୀୟ ଦୂତାବାସର ସହଯୋଗ ଲୋଡ଼ିଛନ୍ତି।
ଉତ୍ତର ପ୍ରଦେଶ ଓ ବିହାରର ଏହି ବ୍ୟକ୍ତିମାନଙ୍କୁ କାମ୍ବୋଡିଆର ସ୍ଥାନୀୟ ପୁଲିସ୍ ସାଇବର ଠକକଙ୍କ କବଳକୁ ଉଦ୍ଧାର କରିଛି। ଏବେ ସେମାନେ ଗୋଟିଏ ଏନଜିଓରେ ରହୁଛନ୍ତି।
Also Read
ଏହି ରିପୋର୍ଟ ନିକଟରେ ପ୍ରକାଶ ପାଇଥିବା ବିପଦପୂର୍ଣ୍ଣ ନିଯୁକ୍ତ ଦୁର୍ନୀତି ଅଭିଯୋଗକୁ ଆହୁରି ବଳ ଯୋଗାଇଛି। କାମ୍ବୋଡିଆରେ ୫ ହଜାର ଭାରତୀୟ ଏହି ଦୁର୍ନୀତିରେ ଫସି ରହିଛନ୍ତି।
ସେମାନଙ୍କୁ ନିଯୁକ୍ତି ନାଁରେ ବଳପୂର୍ବକ ବେଆଇନ ସାଇବର କାର୍ଯ୍ୟକ୍ରମ କରିବାକୁ ବାଧ୍ୟ କରାଯାଉଛି। ସରକାର ନିକଟରେ କହିଥିଲେ ଯେ ୨୫୦ ଭାରତୀୟଙ୍କୁ ଉଦ୍ଧାର କରି କାମ୍ବୋଡିଆରୁ ଅଣାଯାଇଛି।
ବୈଦେଶିକ ମନ୍ତ୍ରଣାଳୟର ସୂଚନା ଅନୁସାରେ, ପ୍ରଥମେ ଏଭଳି ବ୍ୟକ୍ତିମାନଙ୍କୁ ଭଲ ନିଯୁକ୍ତି ଆଶାରେ ନିଆଯାଉଛି। କିନ୍ତୁ ସେମାନଙ୍କୁ ବିଭିନ୍ନ ଆଳରେ ଅନଲାଇନରେ ବେଆଇନ କାମ କରାଯାଉଛି।
ଭାରତୀୟମାନେ ଚାକିରି ଆଶାରେ କାମ୍ବୋଡିଆରେ ପହଞ୍ଚିବା ପରେ ସେମାନଙ୍କ ପାସପୋର୍ଟକୁ ବଳପୂର୍ବକ ଛଡ଼ାଇ ନିଆଯାଉଛି। ଏହାପରେ ସେମାନଙ୍କୁ ସାଇବର ଦୁର୍ନୀତି କଲ ସେଣ୍ଟରରେ କାମ କରି ଅନ୍ୟ ଭାରତୀୟଙ୍କୁ ଟାର୍ଗେଟ କରିବାକୁ ବାଧ୍ୟ କରାଯାଉଛି।
ଗତବର୍ଷ ପୁଲିସ୍ ଏହି ଦୁର୍ନୀତି ବିଷୟରେ ଜାଣିବାକୁ ପାଇଥିଲା। ଜଣେ ବରିଷ୍ଠ ସରକାରୀ ଅଧିକାରୀ ଅନଲାଇନ ଠକାମୀର ଶିକାର ହୋଇ ୬୭ ଲକ୍ଷ ହରାଇବା ପରେ ଅଭିଯୋଗ କରିଥିଲେ।
ଏହାପରେ ପୂରା ଘଟଣା ସାମ୍ନାକୁ ଆସିଥିଲା। ଓଡ଼ିଶାର ରାଉରକେଲା ପୁଲିସ୍ ସାଇବର କ୍ରାଇମ ସିଣ୍ଡିକେଟକୁ ଡିସେମ୍ବର ୩୦ରେ ପର୍ଦ୍ଦାଫାସ କରିଥିଲା ଓ ୮ ଜଣଙ୍କୁ ଗିରଫ କରିଥିଲା। ଏମାନେ ଲୋକଙ୍କୁ କାମ୍ବୋଡିଆ ପଠାଇବା କାମରେ ନିୟୋଜିତ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
