ସପିଂ ମଲ୍ ଭିତରେ ଅଘଟଣ। ଛାତରୁ ହଠାତ ଖସି ପଡିଲା ସିଲିଂ ତଥା ଏକ ପ୍ରକାରର ଲୁହା ଷ୍ଟ୍ରକ୍ଚର୍। ଘଟଣାସ୍ଥଳରେ ହିଁ ଚାଲିଗଲା ଦୁଇ ଜଣଙ୍କ ଜୀବନ। ଗ୍ରେଟେର ନଏଡା ସ୍ଥିତ ବ୍ଲୁ ସଫାୟର ମଲ୍ରେ ଘଟିଛି ଏଭଳି କିଛି ଦୁର୍ଘଟଣା।
ଆଜି ସକାଳୁ ସପିଂ ମଲ୍ ଭିତରେ ସପିଂ ପାଇଁ ଲୋକଙ୍କ ଭିଡ ଜମିଥିଲା। ଏହି ସମୟରେ ବ୍ଲୁ ସଫାୟର ମଲ୍ର ୫ମ ମହଲା ଛାତରୁ ଲୁହା ସିଲିଂ ଖସି ପଡିଥିଲା। ଫଳରେ ଘଟଣା ସ୍ଥଳରେ ଦୁଇ ଜଣଙ୍କ ମୃତ୍ୟୁ ହୋଇଥିଲା। ଏଥିସହ ଅନେକ ଲୋକ ଆହତ ହୋଇଥିବା ସୂଚନା ମିଳିଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
Also Read
ଏଥିସହ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସେପଟେ ଏହି ଘଟଣା ପରେ ଲୋକେ ଆତଙ୍କିତ ହୋଇପଡିଥିଲେ। ମଲ୍ ଭିତରେ ପ୍ରବଳ ଭିଡ ଜମିଥିଲା। ପରେ ଲୋକଙ୍କୁ ଶାନ୍ତ ରହିବା ପାଇଁ ପୁଲିସ ଅନୁରୋଧ କରିଥିଲା।
ପୁଲିସ କହିବା ମୁତାବକ, ମୃତକ ଦୁଇ ଜଣ ହେଲେ ଗାଜିଆବାଦର ହରେନ୍ଦ୍ର ଭଟ୍ଟି ଓ ବିଜୟନଗରର ଶକିଲ ଖାନ୍। ଉଭୟ ଏସ୍କାଲେଟର୍ରେ ଥିବା ବେଳେ ତାଙ୍କ ଉପରେ ଛତରୁ ଲୁହା ସିଲିଂ ଖସି ପଡିଥିଲା। ଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଥିବା ଅତିରିକ୍ତ ଡିସିପି କହିଛନ୍ତି। ପୂରା ମାମଲାର ତଦନ୍ତ ଜାରି ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
