୨୪ ଘଣ୍ଟାରେ ୩ ମୁଣ୍ଡ ନେଲା କରୋନା

ପୁଣି ମୁଣ୍ଡ ନେବା ଆରମ୍ଭ କଲାଣି ମହାମାରୀ କରୋନା।

Covid19 PhotoNDTV

Representational Image

Tapas Behera
  • Published: Sunday, 02 April 2023
  • Updated: 02 April 2023, 09:54 PM IST

Sports

Latest News

ପୁଣି ମୁଣ୍ଡ ନେବା ଆରମ୍ଭ କଲାଣି ମହାମାରୀ କରୋନା। ଧିରେ ଧିରେ କାୟା ବିସ୍ତାର କରୁଛି କରୋନା। ମହାରାଷ୍ଟ୍ରରେ ନିଜର ଘାତକ ରୂପ ଦେଖାଛି ଏହି ଭାଇରସ୍‌। ଗତ ୨୪ ଘଣ୍ଟାରେ ୫୫୦ଟି କୋଭିଡ୍‌ କେସ୍‌ ଚିହ୍ନଟ ହୋଇଥିବା ବେଳେ ୩ ଜଣଙ୍କ ମୁଣ୍ଡ ନେଇଛି କରୋନା। ମିଳିଥିବା ସୂଚନା ଅନୁଯାୟୀ, ରବିବାର ୫୬୨ଟି କେସ୍‌ ଚିହ୍ନଟ ହୋଇଥିବା ବେଳେ ବର୍ତ୍ତମାନ ରାଜ୍ୟରେ ଆକ୍ଟିଭ ମାମଲା ୩୪୮୮ଟି ରହିଛି। ସେଥିରୁ ମୁମ୍ବାଇର କେବଳ ୧୭୨ଟି ରହିଛି। ସେପଟେ ଦୀର୍ଘ ୬ ମାସ ପରେ ଆଜି ଦେଶରେ କୋଭିଡ୍‌-୧୯ ସଂକ୍ରମଣ ସଂଖ୍ୟା ୩,୮୦୦ ଟପି ଯାଇଛି।

ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧୮,୦୦୦ ଟପି ଯାଇଛି। ରବିବାର ସକାଳ ୮ଟା ସୁଦ୍ଧା ସମଗ୍ର ଦେଶରେ ୨୪ ଘଣ୍ଟା ମଧ୍ୟରେ ୩,୮୨୪ କରୋନାଭାଇରସ୍‌ଜନିତ ନୂତନ ସଂକ୍ରମଣ ରେକର୍ଡ କରାଯାଇଛି। ୨୪ ଘଣ୍ଟାରେ ଚିହ୍ନଟ ହୋଇଥିବା ୩,୮୨୪ ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ସମୁଦାୟ ସଂକ୍ରମିତଙ୍କ ସଂଖ୍ୟା ୪,୪୭,୨୨,୬୦୫ରେ ପହଞ୍ଚିଛି।

Also Read

ଗତ ୨୪ ‌ଘଣ୍ଟାରେ ୫ ଟି ମୃତ୍ୟୁ ରିପୋର୍ଟ କରାଯିବା ଫଳରେ ଦେଶରେ କୋଭିଡ୍‌-୧୯ଜନିତ ମୃତ୍ୟୁସଂଖ୍ୟା ୫,୩୦,୮୮୧କୁ ବୃଦ୍ଧି ପାଇଛି। ଦେଶରେ ଦୈନିକ କୋଭିଡ୍‌-୧୯ ‘ପଜିଟିଭିଟି’ ହାର ୨.୮୭% ଥିବା ବେଳେ ସାପ୍ତାହିକ ‘ପଜିଟିଭିଟି’ ହାର ୨.୨୪% ରହିଥିବା କଥା ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି।

ଗତ ୨୪ ଘଣ୍ଟାରେ କୋଭିଡ୍-୧୯ ସଂକ୍ରମଣରୁ ସୁସ୍ଥ ହୋଇଥିବା ଆକ୍ରାନ୍ତଙ୍କୁ ମିଶାଇ ସମ୍ପ୍ରତି ଦେଶରେ ସମୁଦାୟ ସୁସ୍ଥତା ସଂଖ୍ୟା ହେଉଛି ୪,୪୧,୭୩,୩୩୫। ସମ୍ପ୍ରତି ଦେଶରେ ସୁସ୍ଥତା ହାର ୯୮.୭୭% ରହିଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos