ପ୍ରାୟ ୮ରୁ ୧୦ ବୁଲା କୁକୁର ଘେରି ଯାଇ କଲବଲ କଲେ। ଉଦ୍ଧାର ପାଇଁ ଆର୍ତ୍ତ ଚିତ୍କାରକୁ ବି କେହି ଶୁଣି ପାରିଲେନି। ଶେଷରେ ବୁଲା କୁକୁରମାନେ ଝୁଣି ଝୁଣି ଏକ ୪ ବର୍ଷୀୟା ନିରୀହା ନାବାଳିକାର ଜୀବନ ନେଇଗଲେ। ଏପରି ଏକ ଅଭାବନୀୟ ଘଟଣା ଗୁଜରାଟର ସୁରତରେ ଘଟିଛି।
ମୃତା ନାବାଳିକା ନିଜ ପିତାମାତା ଓ ୩ ଭାଇଙ୍କ ସହ ସୁରତରେ ରହୁଥିଲେ। ତାଙ୍କ ପିତାମାତା ନିକଟରେ ଏକ ସୁତା କଳରେ ଶ୍ରମିକ ଭାବେ କାମ କରୁଥିଲେ। ଘଟଣା ଦିନ ଉଭୟ ପତିପତ୍ନୀ ନିଜ କାମକୁ ଚାଲି ଯାଇଥିଲେ।
Also Read
ସନ୍ଧ୍ୟା ପରେ ଫେରି ପିଲାମାନଙ୍କୁ ଖୋଜିବାରୁ ନିଜ ଝିଅକୁ ସେମାନେ ପାଇ ନ ଥିଲେ। ଏହାପରେ ଆଖାପାଖ ଅଞ୍ଚଳରେ ଖୋଜାଖୋଜି କରି ପାଖରେ ଥିବା ଆଖୁ କିଆରିରେ ଝିଅ ଅଚେତ ଅବସ୍ଥାରେ ପଡ଼ିଥିବା ଦେଖିଥିଲେ। ଝିଅ ଶରୀର ସାରା କୁକୁର ଦାନ୍ତ ଚିହ୍ନ ଥିବା ଦେଖିବାକୁ ପାଇଥିଲେ।
ତୁରନ୍ତ ସେମାନେ ପିଲାଟିକୁ ନିକଟସ୍ଥ ଡାକ୍ତରଖାନା ନେଇଥିଲେ। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ପରେ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ କୁକୁର ପ୍ରତି ଭୟ ଦେଖାଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
