India Today 
ସାଙ୍ଗଙ୍କ ସହ ଖେଳୁଥିବା ଝିଅକୁ ବାପା ପାଠ ପଢ଼ିବାକୁ କହି ଦେବାରୁ ଝିଅ ନେଲା ଚରମ ପଦକ୍ଷେପ । ଘରକୁ ଫେରି ବେକରେ ରଶି ଲଗାଇ ଝୁଲି ପଡ଼ିଲା ନାବାଳିକା। ଏପରି ଏକ ଅଭାବନୀୟ ଘଟଣା ତାମିଲନାଡ଼ୁର ପେରିୟାକୁପ୍ପମରେ ଘଟିଛି। ନାବାଳିକାଜଣକ ଜଣେ ଇନଷ୍ଟା କୁଇନ ବୋଲି ଜଣାଯାଇଛି। ମୃତାଜଣକ ହେଲେ ପ୍ରତିକ୍ଷା ।
ପ୍ରତିକ୍ଷା ଗତକାଲି ନିଜ ସାଙ୍ଗମାନଙ୍କ ସହ ଘର ପାଖରେ ଖେଳୁଥିଲେ। ଏହାଦେଖି ବିରକ୍ତି ଭାବ ପ୍ରକାଶ କରି ଘରକୁ ଯାଇ ପାଠ ପଢ଼ିବାକୁ ତାଙ୍କ ବାପା କୃଷ୍ଣମୂର୍ତ୍ତି କହିଥିଲେ। ଏହାପରେ ଉଦାସ ହୋଇ ଯାଇଥିବା ପ୍ରତିକ୍ଷା ଘରକୁ ଫେରିଥିଲେ। ଉକ୍ତ ସମୟରେ ପ୍ରତିକ୍ଷା ଘରେ ଏକୁଟିଆ ଥିବା ବେଳେ ତାଙ୍କ ବାପା ଗାଡ଼ି ଧରି ବଜାର ଚାଲି ଯାଇଥିଲେ।
Also Read
କିଛି ସମୟ ପରେ କୃଷ୍ଣମୂର୍ତ୍ତି ଘରକୁ ଫେରି କବାଟ ବାଡ଼େଇଥିବା ବେଳେ ପ୍ରତିକ୍ଷା କବାଟ ଖୋଲି ନ ଥିଲେ। ଏହାଦେଖି ତାଙ୍କର ସନ୍ଦେହ ହେବାରୁ ଝରକାରେ ଯାହା ଦେଖିଥିଲେ ତାଙ୍କ ମୁଣ୍ଡ ଉପରେ ଆକାଶ ଛିଣ୍ଡି ପଡ଼ିଥିଲା। ଘରେ ଝିଅ ଏକ ଟାୱେଲକୁ ବେକରେ ଦେଇ ଝୁଲି ପଡ଼ିଥିବା ସେ ଦେଖିବାକୁ ପାଇଲେ।
ଖବର ପାଇ ପୁଲିସ୍ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି। ପ୍ରତିକ୍ଷା ଅଧିକାଂଶ ସମୟରେ ଇନଷ୍ଟାଗ୍ରାମ୍ରେ ରିଲ୍ କରୁଥିବା ବେଳେ ସ୍ଥାନୀୟ ଅଞ୍ଚଳରେ ସେ ଇନଷ୍ଟା କୁଇନ୍ ଭାବେ ପରିଚିତ ଥିଲେ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
