ଦିଲ୍ଲୀରେ ଜାରି ରହିଛି ଜଳ କଷ୍ଟ। ପାଣି ପାଇଁ ଡହଳବିକଳ ହେଉଛନ୍ତି ଦିଲ୍ଲୀ ବାସୀ। ଏହି ଜଳ ସଙ୍କଟ ଭିତରେ ବଡ଼ ଅଭିଯୋଗ ଆଣିଛନ୍ତି ଦିଲ୍ଲୀ ଜଳ ମନ୍ତ୍ରୀ ଆତୀଶି। ଏଠାରେ ପାଇପ୍ ଲାଇନ୍ କାଟିବାକୁ ଷଡ଼ଯନ୍ତ୍ର ଚାଲିଥିବା ସେ ଅଭିଯୋଗ କରିଛନ୍ତି। ଏନେଇ ସେ ଦିଲ୍ଲୀ ପୁଲିସ କମିଶନରଙ୍କୁ ଚିଠି ଲେଖି ଦିଲ୍ଲୀ ମୁଖ୍ୟ ଓ୍ୱାଟର ପାଇପ୍ ଲାଇନ୍କୁ ସୁରକ୍ଷା ଦେବା ପାଇଁ ଅନୁରୋଧ କରିଛନ୍ତି।
ଜଳମନ୍ତ୍ରୀ କହିଛନ୍ତି ଯେ ଗତକାଲି ଦକ୍ଷିଣ ଦିଲ୍ଲୀର ପାଇପଲାଇନରେ ୬ ବୋଲ୍ଟ କଟାଯାଇଥିଲା। ଦିଲ୍ଲୀରେ ଜଳ ସମସ୍ୟା ବଢ଼ାଇବା ପାଇଁ ଏକ ଷଡଯନ୍ତ୍ର ହୋଇଛି। ଏହି ଷଡଯନ୍ତ୍ର ହେତୁ ଆଜି ଦକ୍ଷିଣ ଦିଲ୍ଲୀରେ ୨୫% ଜଳ ଅଭାବ ଦେଖାଦେଇଛି। ସେ ଦିଲ୍ଲୀ ପୁଲିସ କମିଶନରଙ୍କୁ ଚିଠି ଲେଖି ଆଗସ ୧୫ ଦିନ ପାଇଁ ଆମର ପ୍ରମୁଖ ପାଇପ୍ ଲାଇନ୍ଗୁଡିକର ସୁରକ୍ଷା ତଥା ପାଟ୍ରୋଲିଂ ପାଇଁ ପୁଲିସ୍ କର୍ମଚାରୀଙ୍କୁ ନିୟୋଜିତ କରିବାକୁ ଅନୁରୋଧ କରିଛନ୍ତି।
ଏହା ଦ୍ୱାରା ଖଳ ପ୍ରକୃତିର ଲୋକେ କିମ୍ବା ଉଦ୍ଦେଶ୍ୟମୂଳକ ବ୍ୟକ୍ତିମାନଙ୍କୁ ପାଣି ପାଇପ୍ ଲାଇନ୍ ଉପରେ ଟାମ୍ପରିଂ କରିବାରୁ ରୋକା ଯାଇପାରିବ, ଯାହା ବର୍ତ୍ତମାନ ଦିଲ୍ଲୀର ଜୀବନ ପାଲଟିଛି। ଏହି ସମୟରେ ପାଣି ପାଇପ୍ ଲାଇନ୍କୁ କାଟିବା କିମ୍ବା ଭଙ୍ଗାରୁଜା କରିବା ଦ୍ୱାରା ଦିଲ୍ଲୀର ଲୋକଙ୍କ ଜଳ ସମସ୍ୟାକୁ ଆହୁରି ବଢ଼ାଇପାରେ ବୋଲି ଆତୀଶି କହିଛନ୍ତି।
Delhi Water Minister Atishi writes a letter to Delhi Police Commissioner Sanjay Arora.
— ANI (@ANI) June 16, 2024
The letter reads "I am writing to request deployment of police personnel to patrol and protect our major pipelines for the next 15 days to stop miscreants or people with ulterior motives from… pic.twitter.com/CEaspvAIp2
କହିରଖୁ ଯେ, ପୂର୍ବ ଦିଲ୍ଲୀଠାରୁ ଆରମ୍ଭ କରି ଦକ୍ଷିଣ ଦିଲ୍ଲୀ ଯାଏଁ ପାଣି ସଙ୍କଟ ଲଗାତର ବଢ଼ି ଚାଲିଛି। ଚାଣକ୍ୟପୂରୀ ନିକଟସ୍ଥ ବସ୍ତି ଅଞ୍ଚଳରେ ପାଣିକୁ ନେଇ ହଙ୍ଗାମା ଜାରି ରହିଛି। ଏଠାକାର ଲୋକେ ପାଣି ମୁନ୍ଦାଏ ପାଇଁ ଡହଳବିକଳ ହେଉଛନ୍ତି। ପାଣି ଟ୍ୟାଙ୍କର ଆସିବା ମାତ୍ରେ ଝଗଡା ଆରମ୍ଭ ହୋଇଯାଉଛି।
ଗୋବିନ୍ଦପୁରୀ ଏବଂ ଓଖଲାରେ ମଧ୍ୟ ସମାନ ସ୍ଥିତି ଅଛି। ଗୋଟିଏ ପଟେ ପାଣି ସମସ୍ୟା ଲାଗି ରହିଥିବା ବେଳେ ଆଉ ଗୋଟିଏ ପଟେ ପାଣି ଅପଚୟ ହେଉଛି। ଦକ୍ଷିଣ ଦିଲ୍ଲୀର କାଲକାଜୀ ଅଞ୍ଚଳରେ ପାଇପ୍ଲାଇନ୍ରେ ଲିକେଜ ହେତୁ ପାର୍କିଂ ସ୍ଥାନରେ ପାଣି ଜମା ହୋଇ ରହୁଛି। ଏହିପରି ପ୍ରତିଦିନ ଲକ୍ଷ ଲକ୍ଷ ଲିଟର ପାଣି ନଷ୍ଟ ହେଉଛି ବୋଲି ଅଭିଯୋଗ ହୋଇଛି।