ଉତ୍ତର ପ୍ରଦେଶର ଜଣେ ନବବିବାହିତା ମହିଳା ଛାଡ଼ପତ୍ର ଆବେଦନ କରିଛନ୍ତି। ଛାଡ଼ପତ୍ର ପାଇଁ ସେ ଯେଉଁ କାରଣ ଦର୍ଶାଇଛନ୍ତି, ତାହା ସବୁଠୁ ଆଶ୍ଚର୍ଯ୍ୟଜନକ। କାରଣ ତାଙ୍କ ସ୍ୱାମୀ ଗାଧଉ ନଥିବାରୁ ସେ ଛାଡ଼ପତ୍ର ଦେବାକୁ ଚାହୁଁଥିବା ଆବେଦନରେ ଉଲ୍ଲେଖ କରିଛନ୍ତି।
ମହିଳାଙ୍କ କହିବାନୁସାରେ, ସେ ୪୦ ଦିନ ପୂର୍ବେ ବିବାହ କରିଥିଲେ। ମାତ୍ର ତାଙ୍କ ସ୍ୱାମୀ ଏହି ଦିନ ମଧ୍ୟରେ ମାତ୍ର ଥରେ କିମ୍ବା ଦୁଇଥର ଗାଧୋଇଛନ୍ତି।ସେ ଏପରି ନିୟମିତ ଭାବେ କରି ଆସୁଛନ୍ତି, ଯାହା ଫଳରେ ତାଙ୍କ ଶରୀରରୁ ଦୁର୍ଗନ୍ଧ ଆସେ। ତେଣୁ ସେ ତାଙ୍କ ସହ ରହିପାରିବେ ନାହିଁ ବୋଲି କହିଛନ୍ତି। ଏନେଇ ସେ ଆଗ୍ରାସ୍ଥିତ ପରିବାର ଅଦାଲତରେ ଛାଡ଼ପତ୍ର ପାଇଁ ଆବେଦନ କରିଛନ୍ତି।
Also Read
ମହିଳା ଜଣକ ଆବେଦନରେ ଆହୁରି କହିଛନ୍ତି ଯେ, ତାଙ୍କ ସ୍ୱାମୀ ମାସରେ ମାତ୍ର ଥରେ କିମ୍ବା ଦୁଇ ଥର ଗାଧାନ୍ତି। ସେ ଜିଦ୍ କରିବାରୁ ୬ ଥର ଗାଧୋଇଥିଲେ। ନହେଲେ ଅନ୍ୟ ସମୟରେ ଗଙ୍ଗାପାଣି ଛିଞ୍ଚି ହୋଇପଡ଼ନ୍ତି।
ରିପୋର୍ଟ ଅନୁସାରେ, ଏହି କାରଣକୁ ନେଇ ମହିଳା ଜଣକ ବାପଘରକୁ ମଧ୍ୟ ପଳାଇଥିଲେ। ପରବର୍ତ୍ତୀ ସମୟରେ ଯୌତୁକ ନିର୍ଯାତନା ଅଭିଯୋଗ ଆଣି ଛାଡ଼ପତ୍ର ଆବେଦନ କରିଛନ୍ତି। ଏହାପରେ ପୁଲିସ ହସ୍ତକ୍ଷେପ ପରେ ମହିଳାଙ୍କ ସ୍ୱାମୀ ନିୟମିତ ଗାଧୋଇବାକୁ ରାଜି ହୋଇଥିଲେ। ତଥାପି ମହିଳା ଜଣକ ତାଙ୍କ ସହ ରହିବାକୁ ଅନିଚ୍ଛା ପ୍ରକାଶ କରିଛନ୍ତି।
ଆସନ୍ତା ସେପ୍ଟେମ୍ବର ୨୨ରେ ପରବର୍ତ୍ତୀ କାଉନସେଲିଂ ହେବ। ତେବେ ଏପରି ସ୍ଥିତିରେ ସମ୍ପର୍କ କେଉଁ ମୋଡ଼ ନେଉଛି, ତାହା ପରବର୍ତ୍ତୀ ସମୟରେ ଜଣାପଡ଼ିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
