ଦିଲ୍ଲୀ ପରେ ରାଜସ୍ଥାନରେ ଏକ କୋଠାର ବେସମେଣ୍ଟରେ ବନ୍ୟା ପାଣି ପଶି ୩ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଜଣେ ୪ ବର୍ଷର ଝିଅ ଥିବା ଜଣାପଡ଼ିଛି। ରାଜସ୍ଥାନ ଜୟପୁରର ବିଶ୍ୱକର୍ମା ଅଞ୍ଚଳରେ ଘଟିଛି ଏହି ଦୁଃଖଦ ଘଟଣା।
ସୂଚନା ଅନୁସାରେ, ପ୍ରବଳ ବର୍ଷା ପରେ ଜୟପୁରର କିଛି ତଳିଆ ଅଞ୍ଚଳରେ ପାଣି ପଶି ଯାଇଥିଲା। ଏହି ସମୟରେ ବିଶ୍ୱକର୍ମା ଅଞ୍ଚଳର ଏକ ବିଲ୍ଡିଂର ବେସମେଣ୍ଟରେ ବସିଥିବା ସମୟରେ ତିନି ଜଣ ପାଣିରେ ବୁଡ଼ି ଯାଇଥିଲେ। ଏତେ ମାତ୍ରାରେ ପାଣି ଥିଲା ଯେ, ଉଦ୍ଧାରକାରୀ ଟିମ୍ ସାତ ଘଣ୍ଟା ପରେ ସେମାନଙ୍କୁ ଉଦ୍ଧାର କରିଥିଲେ।
Also Read
ହେଲେ ସେତବେଳକୁ ତିନି ଜଣଙ୍କ ଜୀବନ ଯାଇ ସାରିଥିଲା। ନିକଟରେ ଦିଲ୍ଲୀରେ ମଧ୍ୟ ଏକ ସମାନ ଘଟଣା ଘଟିଥିଲା। ରାଜେନ୍ଦ୍ର ନଗରରେ ଥିବା ଏକ ଆଇଏଏସ କୋଚିଂ ସେଣ୍ଟର ବେସମେଣ୍ଟରେ ବନ୍ୟା ପାଣି ପଶି ଯିବାରୁ ତିନି ଜଣ ଛାତ୍ରଛାତ୍ରୀଙ୍କ ମୃତ୍ୟୁ ଘଟିଥିଲା।
ମୌସୁମୀ ପ୍ରବାହରେ ଦେଶର ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ରାଜସ୍ଥାନରେ ଗତ ୨୪ ଘଣ୍ଟା ମଧ୍ୟରେ କିଛି ସ୍ଥାନରେ ହାଲୁକା ବର୍ଷା ହୋଇ ଥିବାବେଳେ ପୂର୍ବାଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ରେକର୍ଡ କରାଯାଇଛି। ବିଭିନ୍ନ ସ୍ଥାନରେ ବର୍ଷା ପ୍ରଭାବରେ ବ୍ୟାପକ କ୍ଷୟକ୍ଷତି ହେଉଥିବାରୁ ସତର୍କ ରହିବାକୁ ପରାମର୍ଶ ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
