IU 
ଖେଳୁ ଖେଳୁ ୱାଶିଂ ମେଶିନ ଭିତରେ ପଡ଼ିଗଲା କଅଁଳା ଶିଶୁ। ୱାଶିଂ ମେଶିନ ଫୁଲ୍ ସ୍ପିଡରେ ଚାଲୁଥିବା ବେଳେ ତା’ ଭିତରେ ଛଟପଟ ହେଉଥିଲା କଅଁଳା ଶିଶୁ । ହେଲେ ପରିବାର ଲୋକେ ଏହାର ଟେର ବି ପାଇପାରିଲେନି । ପ୍ରାୟ ୧୫ ମିନିଟ୍ କାଳ ପିଲାଟି ୱାଶିଂ ମେଶିନ ଭିତରେ ବୁଲି ଛଟପଟ ହେବା ପରେ ପରିବାର ଲୋକେ ତାକୁ ଉଦ୍ଧାର କଲେ। ହେଲେ ସେତେବେଳକୁ ପିଲାଟିର ଚେତା ନ ଥିବା ବେଳେ ସେ ପୁଣି ଥରେ ବଞ୍ଚି ଉଠିବ ବୋଲି ପରିବାର ଲୋକେ ଆଶା ହରାଇ ଦେଇଥିଲେ।
ମାତ୍ର ମେଡିକାଲ ଟିମ୍ଙ୍କ ଶତଚେଷ୍ଟା ପରେ ପ୍ରାୟ ୭ ଦିନ କୋମାରେ ରହି ପିଲାଟି ପୁଣି ଥରେ ଉଠି ବସିଲା। ପିଲାକୁ ଫେରି ପାଇ ବାପାମା’ଙ୍କ ପାଦ ଖୁସିରେ ତଳେ ଲାଗୁନି । ଏପରି ଏକ ଅଭାବନୀୟ ଘଟଣା ଦିଲ୍ଲୀରେ ଘଟିଛି ।
Also Read
ଶିଶୁଟିର ମା’ଙ୍କ କହିବାନୁଯାୟୀ, ମୁଁ କିଛି କାମ ପାଇଁ ବାହାରକୁ ଯାଇଥିଲି। ସେତେବେଳେ ୱାଶିଂ ମେସିନ ଚାଲୁଥିବା ବେଳେ ତାହାର ଢାଙ୍କୁଣୀ ଖୋଲା ଥିଲା| ପିଲାଟି ପାଖରେ ପଡ଼ିଥିବା ଏକ ଚେୟାର ସାହାଯ୍ୟରେ ଠିଆ ହୋଇଥିଲା। ଏହାପରେ ଭାରସାମ୍ୟ ହରାଇ ୱାଶିଂ ମେସିନ ଭିତରେ ପଡ଼ି ଯାଇଥିଲା। ଏହାପରେ ମୁଁ ବାହାରୁ ଫେରି ପୁଅକୁ ନ ପାଇ ୱାଶିଂ ମେସିନ ଭିତରକୁ ଦେଖିଥିଲି। ସେତେବେଳକୁ ୱାଶିଂ ମେସିନ ଟି ଜୋରରେ ବୁଲୁଥିବା ବେଳେ ପିଲାଟି ଛଟପଟ ହେଉଥିଲା। ତୁରନ୍ତ ତାକୁ ବାହାରକୁ ଆଣିଥିଲି। ସେତେବେଳକୁ ପିଲାଟିର ହୋସ ନ ଥିବା ବେଳେ ତା’ ଶରୀର ରଙ୍ଗ ନୀଳ ପଡ଼ି ଯାଇଥିଲା।
ଡାକ୍ତରଙ୍କ ଅନୁଯାୟୀ, ଶିଶୁଟି ଭର୍ତ୍ତି ହେବା ପରେ ତା’ ଅବସ୍ଥା ଅତ୍ୟନ୍ତ ଖରାପ ଥିଲା। ସେ ସାତ ଦିନ କୋମାରେ ରହିଲା। ଡାକ୍ତରଙ୍କ ଏକ ଟିମ୍ ଦିନ ରାତି ପିଲାଙ୍କ ଉପରେ ନଜର ରଖିଥିଲେ। ପ୍ରାୟ ୧୨ ଦିନ ହସ୍ପିଟାଲରେ ଚିକିତ୍ସିତ ହେବା ପରେ ପିଲାଟି ସୁସ୍ଥ ହୋଇ ଘରକୁ ଫେରିଛି। ପିଲାଟି ଏବେ ସମ୍ପୂର୍ଣ୍ଣ ଭଲ ହୋଇଯାଇଥିବା ବେଳେ ସାଧାରଣ ପିଲାଙ୍କ ପରି ଆଚରଣ କରୁଥିବା ଡାକ୍ତର କହିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
