ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା ଗିରଫ ହୋଇଥିବା ତାମିଲନାଡୁ ମନ୍ତ୍ରୀ ଭି ସେନ୍ଥାଲି ବାଲାଜୀଙ୍କୁ କୋର୍ଟଙ୍କ ନିର୍ଦ୍ଦେଶ ପରେ ଚେନ୍ନାଇର କାବେରୀ ହସ୍ପିଟାଲରେ ଭିର୍ତ୍ତି କରାଯାଇଛି। ଗିରଫ ପରେ ତାଙ୍କୁ ପ୍ରଥମେ ତାମିଲନାଡୁର ସରକାରୀ ମଲ୍ଟି ସୁପର ସ୍ପେଶାଲିଟି ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ସେ ବୁଧବାର ଓ ଗୁରୁବାର ରାତି ଯାଏ ରହିଥିଲେ।
ତେବେ ଗୁରୁବାର ରାତିରେ ତାଙ୍କୁ କାବେରୀ ହସ୍ପିଟାଲକୁ ସ୍ଥାନାନ୍ତର କରାଯାଇଛି। ସେଠାରେ ୩ରୁ ୪ଦିନ ମଧ୍ୟରେ ତାଙ୍କର ବାଇପାସ୍ ହାର୍ଟ ସର୍ଜରୀ କରାଯିବ ବୋଲି ତାମିନାଡୁର ସ୍ୱାସ୍ଥ୍ୟମନ୍ତ୍ରୀ ଏମଏ ସୁବ୍ରମଣିଅନ ସୂଚନା ଦେଇଛନ୍ତି।
Also Read
ସେ କହିଛନ୍ତି, “ବାଲାଜୀଙ୍କୁ ବ୍ଲଡ ଥିନର୍ସ ଦିଆଯାଇଛି। ସର୍ଜରୀ ପାଇଁ ଡାକ୍ତରମାନେ ମେଡିସିନ ବନ୍ଦ କରି ଦେଇଛନ୍ତି। ସେମାନେ ୪ ଦିନ ପରେ ସର୍ଜରୀ କରିବେ ବୋଲି ଆମକୁ କହିଛନ୍ତି।”
ହସ୍ପିଟାଲର ସହ ପ୍ରତିଷ୍ଠାତା ଡାକ୍ତର ଅରବିନ୍ଦନ ସେଲବାରଜ ଗୋଟିଏ ବୁଲେଟିନରେ କହିଛନ୍ତି, ସେନ୍ଥାଲି ବାଲାଜୀଙ୍କ ସ୍ୱାସ୍ଥ୍ୟ ଆନେସ୍ତେସିଆ ପାଇଁ କେତେ ଫିଟ ରହିଛି, ତା’ର ଯାଞ୍ଚ କରାଯାଉଛି। ଏହାପରେ ସର୍ଜରୀ ପାଇଁ ଯୋଜନା କରାଯିବ। ବରିଷ୍ଠ ହାର୍ଟ ସର୍ଜନ ଡାକ୍ତର ଏଆର ରଘୁରାମଙ୍କ ନେତୃତ୍ୱରେ ଗୋଟିଏ ଟିମ ତାଙ୍କ ସ୍ୱାସ୍ଥ୍ୟାବସ୍ଥା ଉପରେ ନଜର ରଖିଛି। ସେ ଏବେ ଆଇସିୟୁରେ ରହିଥିବା ବୁଲେଟିନରେ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
