କିଏ ଜିତିବ, କିଏ ହାରିବ। ତାହାର ଫୈସଲା ଆଜି ହୋଇଯିବ। ଲୋକସଭା ନିର୍ବାଚନର ଜାରି ରହିଛି ଭୋଟ୍ ଗଣତି। ଏହାରି ଭିତରେ ଭୋଜପୁରୀ ସିନେ ଷ୍ଟାର୍ଙ୍କ ଉପରେ ରହିଛି ସମସ୍ତଙ୍କ ନଜର। ଏଥର ନିର୍ବାଚନରେ ଭୋଜପୁରୀ ଇଣ୍ଡଷ୍ଟ୍ରିର ୪ ଜଣ ଚର୍ଚ୍ଚିତ ଚେହେରା ମୈଦାନରେ ଅଛନ୍ତି। ମନୋଜ ତିଓ୍ୱାରୀ, ରବି କିଶନ ଓ ଦିନେଶ ଲାଲ ନୀରହୁଆ ବିଜେପି ଟିକେଟ୍ରେ ନିର୍ବାଚନ ଲଢ଼ୁଥିବା ବେଳେ ପବନ ସିଂହ ସ୍ୱାଧୀନ ଭାବେ ନିର୍ବାଚନ ଲଢ଼ୁଛନ୍ତି।
ବର୍ତ୍ତମାନ ସୁଦ୍ଧା ଯାହା ଟ୍ରେଣ୍ଡ ଚାଲିଛି ସେ ଅନୁଯାୟୀ ଏହି ୪ ଭୋଜପୁରୀ ଷ୍ଟାରଙ୍କ ୫୦-୫୦ରେ ଚାଲିଛି ଫାଇଟ୍। ନୀରହୁଆ ଓ ପବନ ସିଂହଙ୍କୁ ବଡ ଝଟ୍କା ଲାଗିପାରେ। ଏହି ଉଭୟ ଷ୍ଟାର୍ ନିଜ ନିଜ ଆସନରେ ଢ଼େର୍ ପଛରେ ଅଛନ୍ତି। ସେପଟେ ମନୋଜ ତିଓ୍ୱାରୀ ହ୍ୟାଟ୍ରିକ୍ ମାରିବା ଅଭିମୁଖେ ଗତି କରୁଛନ୍ତି। ଅନ୍ୟପଟେ ଉତ୍ତରପ୍ରଦେଶର ଗୋରଖପୁର ଆସନରୁ ରବି କିଶନ ମଧ୍ୟ ଢ଼େର ଆଗୁଆ ଅଛନ୍ତି।
Also Read
ନର୍ଥ ଇଷ୍ଟ ଦିଲ୍ଲୀରୁ ନିର୍ବାଚନ ଲଢ଼ୁଥିବା ମନୋଜ ତିଓ୍ୱାରୀ ଲଗାତର ତୃତୀୟ ଥର ପାଇଁ ବିଜୟ ହେବା ସମ୍ଭାବନା ରହିଛି। ଏଠାରେ ସେ କଂଗ୍ରେସ ପ୍ରାର୍ଥୀ କହ୍ନେୟା କୁମାରଙ୍କୁ ପଛର ପକାଇ ପ୍ରାୟ ୪୦ ହଜାର ଭୋଟ୍ରେ ଆଗୁଆ ଅଛନ୍ତି। ସେହିପରି ଆଜମଗଡ ଉପ-ନିର୍ବାଚନ ଜିତି ସାଂସଦ ହୋଇଥିବା ଦିନେଶ ଲାଲ ଯାଦବ ନିରହୁଆ ନିର୍ବାଚନ ହାରୁଥିବା ଦେଖିବାକୁ ମିଳିଛି। ସେ ସମାଜବାଦୀ ପାର୍ଟି ପ୍ରାର୍ଥୀ ଧର୍ମେନ୍ଦ୍ର ଯାଦବଙ୍କ ଠାରୁ ୪୩,୨୯୭ ଭୋଟ୍ରେ ପଛୁଆ ଅଛନ୍ତି।
ଅନ୍ୟପଟେ କାରାକାଟ ଲୋକସଭା ଆସନରୁ ପବନ ସିଂହ ମଧ୍ୟ ପ୍ରାରମ୍ଭିକ ଟ୍ରେଣ୍ଡରେ ଲଗାତର ପଛରେ ଅଛନ୍ତି। ସେ ମାଲେ ପ୍ରାର୍ଥୀଙ୍କ ଠାରୁ ୨୪ ହଜାର ଭୋଟ୍ରେ ପଛରେ ରହି ତାଲିକା ତୃତୀୟ ସ୍ଥାନରେ ଅଛନ୍ତି। ସେହିପରି ଗୋରଖପୁରରୁ ବିଜେପି ପ୍ରାର୍ଥୀ ରବି କିଶନ ସମାଜବାଦୀ ପାର୍ଟି ପ୍ରାର୍ଥୀ କାଜଲ ନିଶାଦଙ୍କୁ ପଛରେ ପକାଇ ୩୮ ହଜାରରୁ ଅଧିକ ଭୋଟ୍ରେ ଆଗୁଆ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
