୨୦୨୪ ଲୋକସଭା ନିର୍ବାଚନ ପାଇଁ ତାମିଲନାଡୁରେ ପିଏମ୍କେ ସହିତ ମେଣ୍ଟ କରିଛି ବିଜେପି। ଆଜି ଏହା ଚୂଡ଼ାନ୍ତ ହୋଇଛି। ମେଣ୍ଟ ସର୍ତ୍ତ ଅନୁସାରେ ପିଏମ୍କେକୁ ୧୦ଟି ଲୋକସଭା ଆସନ ଦେଇଛି ବିଜେପି। ବିଜେପି ନେତୃତ୍ୱାଧୀନ ଏନ୍ଡିଏରେ ସାମିଲ ହୋଇ ଲୋକସଭା ନିର୍ବାଚନ ଲଢ଼ିବା ପାଇଁ ପିଏମ୍କେ ଇଚ୍ଛା ଜାହିର କରିବାର ଦିନକ ପରେ ଆସିଛି ଏହି ଖବର।
Also Read
ପିଏମ୍କେ ଅଧ୍ୟକ୍ଷ ଅଂବୁମଣି ରାମଦୋସ କହିଛନ୍ତି, ଦେଶର ଭଲ ପାଇଁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁଶାସନ ଯେପରି ଜାରି ରହିବ, ସେଥିପାଇଁ ଆମେ ଏନ୍ଡିଏରେ ମିଶିଛୁ। ଏହା ଦ୍ୱାରା ରାଜ୍ୟରେ ପରିବର୍ତ୍ତନ ଆସିବ ବୋଲି ଆମର ବିଶ୍ୱାସ ରହିଛି। ଆମ ମେଣ୍ଟ କେବଳ ତାମିଲନାଡୁ ନୁହେଁ, ସାରା ଭାରତରେ ବଡ଼ ବିଜୟ ହାସଲ କରିବ।
ପିଏମ୍କେର ନିଷ୍ପତ୍ତିକୁ ସ୍ୱାଗତ କରିଛନ୍ତି ତାମିଲନାଡ଼ୁ ବିଜେପି ମୁଖ୍ୟ କେ ଅନ୍ନାମଲାଇ। ସେ କହିଛନ୍ତି ଯେ ଏନ୍ଡିଏ ଏଥର ଲୋକସଭା ନିର୍ବାଚନରେ ବଡ଼ ବିଜୟ ହାସଲ କରିବ। ଏନ୍ଡିଏର ୪୦୦ରୁ ଅଧିକ ନେତା ଲୋକସଭାକୁ ନିର୍ବାଚିତ ହେବେ। ଏହା ପରେ ୨୦୨୬ରେ ରାଜ୍ୟ ରାଜନୀତିରେ ଏକ ବଡ଼ ପରିବର୍ତ୍ତନ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
