ଅଭିନୟରୁ ରାଜନୀତିକୁ ଆସିଥିବା ବିଜେପି ନେତ୍ରୀ ଖୁସ୍ବୋ ସୁନ୍ଦରକୁ ମୋଦି ସରକାର ଉପହାର ଦେଇଛନ୍ତି। ଖୁସ୍ବୋ ଜାତୀୟ ମହିଳା କମିଶନର ସଦସ୍ୟ ଭାବେ ମନୋନିତ ହୋଇଛନ୍ତି। ବିଜେପିର ରାଷ୍ଟ୍ରୀୟ କାର୍ଯ୍ୟନିର୍ବାହୀ କମିଟିର ସଦସ୍ୟ ଖୁସବୋ ତାଙ୍କ ନିଯୁକ୍ତି ସମ୍ପର୍କରେ ସୋସିଆଲ ମିଡିଆରେ ପୋଷ୍ଟ କରିଛନ୍ତି। ତାମିଲନାଡୁ ବିଜେପି ସଭାପତି କେ ଅନ୍ନାମଲାଇ ତାଙ୍କୁ ଅଭିନନ୍ଦନ ଜଣାଇଛନ୍ତି । ମହିଳା ଅଧିକାର ଲଢ଼େଇ ଲାଗି ନିରନ୍ତନ ସଂଗ୍ରାମ ଜାରି ରଖିଥବାରୁ ତାଙ୍କୁ ଉପଯୁକ୍ତ ସ୍ୱୀକୃତି ମିଳିଥିବା ସେ କହିଛନ୍ତି। ତେବେ ନିଜେ ଖୁସ୍ବୋ
ଏ ସମ୍ପର୍କରେ ଟ୍ୱିଟ୍ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି। ସେ କହିଛନ୍ତି ଯେ, ଏତେ ବଡ଼ ଦାଇତ୍ୱ ମିଳିଥିବାରୁ ମୁଁ ଭାରତ ସରକାରଙ୍କୁ ଧନ୍ୟବାଦ ଜଣାଉଛି। ନାରୀ ଶକ୍ତିର ସୁରକ୍ଷା, ସଂରକ୍ଷଣ ଏବଂ ପୋଷଣ ପାଇଁ ମୁଁ କଠିନ ପରିଶ୍ରମ କରିବି । ଚଳଚ୍ଚିତ୍ର ଅଭିନେତ୍ରୀ ତଥା ଟେଲିଭିଜନ ଉପସ୍ଥାପିକା ଖୁସବୋ ପ୍ରଥମେ ଡିଏମକେରେ ଯୋଗ ଦେଇଥିଲେ। କିନ୍ତୁ ପରେ କଂଗ୍ରେସକୁ ଯାଇ ଦଳର ମୁଖପାତ୍ର ହୋଇଥିଲେ।
ଶେଷରେ ବିଜେପିରେ ମିଶି ୨୦୨୧ ତାମିଲନାଡୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। କିନ୍ତୁ ପରାସ୍ତ ହୋଇଥିଲେ। ତାଙ୍କୁ ଅନ୍ୟ ଦୁଇଜଣଙ୍କ ସହ ଜାତୀୟ ମହିଳା କମିଶନ ସଦସ୍ୟ ଭାବରେ ମନୋନୀତ କରାଯାଇଛି।
ସେ ୨୦୧୦ ରୁ ୨୦୧୪ ପର୍ଯ୍ୟନ୍ତ ଡିଏମକେରେ ଥିଲେ। ଖୁସବୁଙ୍କର ଲୋକପ୍ରିୟତା ହିଁ ୨୦୧୦ ମସିହାରେ ତାଙ୍କୁ ନିଜେ ଡିଏମକେ ମୁଖ୍ୟ କରୁଣାନିଧି ପାର୍ଟିକୁ ଆଣିଥିଲେ। ନଭେମ୍ବର ୨୦୧୪ ରେ ଦକ୍ଷିଣ ଭାରତୀୟ ଚଳଚ୍ଚିତ୍ରର ପ୍ରସିଦ୍ଧ ଅଭିନେତ୍ରୀ କୁଶବୁ ସୁନ୍ଦର କଂଗ୍ରେସରେ ଯୋଗ ଦେଇଥିଲେ।
ଖୁସବୁ ମୁମ୍ବାଇରେ ଜନ୍ମଗ୍ରହଣ କରିଥିଲେ। ହିନ୍ଦୀ ଚଳଚ୍ଚିତ୍ରରେ ଶିଶୁ କଳାକାର ଭାବରେ କ୍ୟାରିଅର୍ ଆରମ୍ଭ କରିଥିବା ଖୁସବୋ ସଫଳତାର ସିଡ଼ି ଉପରକୁ ଓହ୍ଲାଇଥିଲେ। ଖୁସବୁଙ୍କର ପ୍ରଥମ ଚଳଚ୍ଚିତ୍ର ଥିଲା ‘ଦି ବର୍ନିଂ ଟ୍ରେନ୍’। ବଲିଉଡରେ ତାଙ୍କର କ୍ୟାରିୟର ବହୁତ ଭଲ ନଥିଲା, ଏହା ପରେ ସେ ୧୯୮୬ ରେ ତାମିଲ ଚଳଚ୍ଚିତ୍ର ଶିଳ୍ପକୁ ଯାଇଥିଲେ। ସେ ସାଉଥ ଫିଲ୍ମ ଇଣ୍ଡଷ୍ଟ୍ରିରେ ପ୍ରାୟ ୨୦୦ଟି ଫିଲ୍ମ କରିଛନ୍ତି।ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଖୁସବୁ ହେଉଛନ୍ତି ପ୍ରଥମ ଅଭିନେତ୍ରୀ, ଯାହାର ପ୍ରଶଂସକମାନେ ତାଙ୍କ ମନ୍ଦିର ନିର୍ମାଣ କରିଛନ୍ତି।