ସକାଳୁ ସକାଳୁ ବିସ୍ଫୋରଣରେ ଦୋହଲିଲା ନାଇଟ୍ କ୍ଲବ୍। ଚଣ୍ଡିଗଡର ଦୁଇଟି ନାଇଟ୍ କ୍ଲବ ବାହାରେ ଭୟଙ୍କର ବିସ୍ଫୋରଣ ହୋଇଛି। ଏହି ନାଇଟ୍ କ୍ଲବ ଗୁଡିକ ବଲିଉଡ ସିଙ୍ଗର ତଥା ରାପର୍ ବାଦଶାହଙ୍କର ବୋଲି ଜଣାପଡିଛି।
ଚଣ୍ଡିଗଡର ସେକ୍ଟର ୨୬ରେ ଥିବା ରାପର୍ ବାଦଶାହଙ୍କ ଦୁଇଟି ନାଇଟ୍ କ୍ଲବ ବାହାରେ ଆଜି ଭୋର ପ୍ରାୟ ୪ଟା ବେଳେ ଦୁଇଟି ବିସ୍ଫୋରଣ ହୋଇଛି। ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ସ୍ୱଦେଶୀ ବୋମା ବ୍ୟବହାର କରି ଏହି ବିସ୍ଫୋରଣର କରାଯାଇଥିବା କୁହାଯାଉଛି। ଏହି ଘଟଣା ପରେ ଲୋକମାନେ ଆତଙ୍କିତ ହୋଇପଡିଛନ୍ତି। ପୁଲିସ ଏହି ଘଟଣାର ତଦନ୍ତ ଜାରି ରଖିଛି।
Also Read
ଅନୁସନ୍ଧାନରୁ ଜଣାପଡିଛି ଯେ ଦୁଇଜଣ ଅଜ୍ଞାତ ବାଇକ୍ ଆରୋହୀ ସକାଳେ ଚଣ୍ଡିଗଡ଼ର ଦୁଇଟି ନାଇଟ୍ କ୍ଲବ୍ ନିକଟରେ ବୋମା ମାଡ଼ କରିଛନ୍ତି। ତେବେ ଏଥିରେ କେହି ମୃତାହତ ହୋଇନାହାନ୍ତି। ତେବେ ବିସ୍ଫୋରଣ ଯୋଗୁ ନାଇଟ୍ କ୍ଲବର କବାଟ ଓ ଝରକା ଭାଙ୍ଗି ନଷ୍ଟ ହୋଇଯାଇଛି। ଚଣ୍ଡିଗଡ଼ ପୁଲିସର ଫୋରେନସିକ୍ ଟିମ୍ ଏହି ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
