ବର ବେଶରେ ସଜ ହୋଇଥିଲେ ଯୁବକ । ବରଯାତ୍ରୀ ଧରି କନିଆ ଘର ଅଭିମୁଖେ ବାହାରିଥିଲେ। ବାଜାବାଣରେ ଫାଟି ପଡ଼ୁଥିଲା ରାସ୍ତାଘାଟ। ଏହି ସମୟରେ ଘଟିଗଲା ଅଘଟଣ। ହଠାତ୍ ବରଙ୍କ ସମ୍ପର୍କୀୟ ଭାଇ ପହଞ୍ଚି ତାଙ୍କ ଉପରକୁ ଚଳାଇଲେ ଗୁଳି। ଏହାପରେ ହସଖୁସିର ପରିବେଶରେ ହଠାତ୍ ନିରବତା ଛାଇଗଲା। ବର ବେଦୀରେ ପହଞ୍ଚିବା ପୂର୍ବରୁ ହସ୍ପିଟାଲରେ ପହଞ୍ଚିଗଲେ। ଏପରି ଏକ ଅଭାବନୀୟ ଘଟଣା ଉତ୍ତରପ୍ରଦେଶର ରାମପୁରରେ ଘଟିଛି।
ରାମପୁର ଅଞ୍ଚଳର ହରଦୟାଲଙ୍କ ଝିଅଙ୍କ ବିବାହ ଉତ୍ତରାଖଣ୍ଡର ଓମ ପ୍ରକାଶଙ୍କ ପୁଅ କରଣଙ୍କ ସହ ସ୍ଥିର ହୋଇଥିଲା। ତେଣୁ କରଣ ବରଯାତ୍ରୀ ସହ ରୋଷଣି କରି କନିଆ ଘର ଅଭିମୁଖେ ବାହାରିଥିଲେ। ମାତ୍ର ହଠାତ ରାସ୍ତାରେ ଘଟିଗଲା ଅଘଟଣ।
ବରଙ୍କ ଭାଇଙ୍କ କହିବାନୁଯାୟୀ, ତାଙ୍କ ପରିବାର ସହ ମାଉସୀଙ୍କ ପରିବାରର ସମ୍ପର୍କ ଭଲ ନ ଥିବାରୁ ବିବାହ ଉତ୍ସବକୁ ସେମାନଙ୍କୁ ନିମନ୍ତ୍ରଣ କରାଯାଇ ନ ଥିଲା। ଏଥିରେ ଉତ୍ତ୍ୟକ୍ତ ହୋଇ ମାଉସୀ ପୁଅ ପ୍ରତିଶୋଧ ନେବାକୁ ସୁଯୋଗ ଅପେକ୍ଷାରେ ଥିଲେ। ଆଉ ବରକୁ ଗୁଳି କରି ଫେରାର ହୋଇ ଯାଇଛି।
Also Read
ତୁରନ୍ତ କରଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ସେ ବିପଦମୁକ୍ତ ଥିବା ଜଣାଯାଇଛି। ପୁଲିସ୍ ଏହି ଘଟଣାର ତଦନ୍ତ ଆରମ୍ଭ କରି ଅଭିଯୁକ୍ତଙ୍କ ତଲାସୀ ଆରମ୍ଭ କରିଛି। ଏହି ଘଟଣା ଶୁଣି କନିଆ ଘର ଲୋକେ ଦୁଃଖରେ ଭାଙ୍ଗି ପଡ଼ିଥିବା ବେଳେ କରଣଙ୍କ ସୁସ୍ଥ ହେବାକୁ ଅପେକ୍ଷା କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
