ଲୋକସଭା ସାଂସଦ ଦାନିଶ ଅଲୀ ବିଏସ୍‌ପିରୁ ନିଲମ୍ବିତ

ଏଚ୍‌ଡି ଦେବଗୌଡ଼ାଙ୍କ ଅନୁରୋଧ କ୍ରମେ ଉତ୍ତର ପ୍ରଦେଶର ଅମରୋହାରୁ ଦାନିଶ ଅଲୀଙ୍କୁ ଟିକେଟ ଦେଇଥିଲା ବିଏସ୍‌ପି।

Danish Ali

ଦାନିଶ ଅଲୀ

Jitendra Garnayak
  • Published: Saturday, 09 December 2023
  • Updated: 09 December 2023, 06:32 PM IST

Sports

Latest News

ଲୋକସଭା ସାଂସଦ ଦାନିଶ ଅଲୀଙ୍କୁ ଆଜି ଦଳରୁ ନିଲମ୍ବନ କରିଛି ବହୁଜନ ସମାଜବାଦୀ ପାର୍ଟି (BSP)। ଦଳ ବିରୋଧୀ କାର୍ଯ୍ୟ ପାଇଁ ତାଙ୍କୁ ବିଏସ୍‌ପି ନିଲମ୍ବନ କରିଛି।

ଦଳ ପକ୍ଷରୁ ଦାନିଶ ଅଲୀଙ୍କୁ ପଠାଯାଇଥିବା ଚିଠିରେ ଉଲ୍ଲେଖ କରାଯାଇଛି, ‘ଆପଣଙ୍କୁ ଅନେକ ଥର ମୌଖିକ ଭାବେ କୁହାଯାଇଥିଲା ଯେ ଦଳର ନୀତି, ବିଚାରଧାରା ଓ ଅନୁଶାସନ ବିରୋଧରେ ଯାଇ କୌଣସି ବୟାନ ଦିଅନ୍ତୁ ନାହିଁ କି କୌଣସି କାମ କରନ୍ତୁ ନାହିଁ। ଏହା ସତ୍ତ୍ୱେ ଆପଣ ଲଗାତାର ଦଳ ବିରୋଧରେ ଯାଇ ସେହି ସବୁ କାମ କରୁଛନ୍ତି।

୨୦୧୮ରେ ଆପଣ ଜେଡି (ଏସ୍) ନେତା ଏଚ୍‌ଡି ଦେବଗୌଡ଼ାଙ୍କ ସହିତ କାମ କରୁଥିଲେ। ସେତେବେଳେ ଉଭୟ ବିଏସ୍‌ପି ଓ ଜେଡି (ଏସ୍‌) ମିଶି କର୍ଣ୍ଣାଟକା ବିଧାନସଭା ନିର୍ବାଚନ ଲଢ଼ିଥିଲେ। କର୍ଣ୍ଣାଟକା ନିର୍ବାଚନ ପରେ ଆପଣଙ୍କୁ ଅମରୋହାରୁ ଟିକେଟ୍ ଦିଆଯାଇଥିଲା। ଦେବଗୌଡ଼ା କହିବା ଯୋଗୁ ଆପଣଙ୍କୁ ଟିକେଟ୍ ଦିଆଯାଇଥିଲା। ଦେବଗୌଡ଼ା ଏହା ମଧ୍ୟ କହିଥିଲେ ଯେ ଆପଣ ବିଏସ୍‌ପି ପାଇଁ କାମ କରିବେ। ସେହି ଆଧାରରେ ଆପଣଙ୍କୁ ଟିକେଟ୍ ଦିଆଯାଇଥିଲା।

ଅମରୋହାରୁ ବିଜୟୀ ହେବା ସତ୍ତ୍ୱେ ଆପଣ ସମସ୍ତ ପ୍ରତିଶ୍ରୁତି ଭୁଲି ଗଲେ ଓ ଦଳ ବିରୋଧୀ କାର୍ଯ୍ୟରେ ଲିପ୍ତ ରହିଲେ। ତେଣୁ ଦଳ ଆପଣଙ୍କୁ ତୁରନ୍ତ ପ୍ରଭାବ ସହିତ ନିଲମ୍ବନ କରିବାକୁ ନିଷ୍ପତ୍ତି ନେଇଛି।’

Also Read

ମିଳିଥିବା ସୂଚନା ଅନୁଯାୟୀ, ସଂସଦରେ କଂଗ୍ରେସକୁ ସମର୍ଥନ କରିବାରୁ ଦାନିଶ ଅଲୀଙ୍କୁ ବିଏସ୍‌ପି ନିଲମ୍ବନ କରିଛି। କଂଗ୍ରେସ ମଧ୍ୟ ବିଭିନ୍ନ ପ୍ରସଙ୍ଗରେ ଦାନିଶ ଅଲୀଙ୍କୁ ସମର୍ଥନ କରୁଛି। ସେଥିପାଇଁ ବିଏସ୍‌ପି ମୁଖ୍ୟ ମାୟାବତୀ ବହୁବାର ତାଙ୍କୁ ତାଗିଦ କରିଥିଲେ ।

ଗତ ସେପ୍ଟେମ୍ବର ମାସରେ ସଂସଦର ସ୍ୱତନ୍ତ୍ର ଅଧିବେଶନ ବେଳେ ଦାନିଶ ଅଲୀଙ୍କ ବିରୋଧରେ ଅରୁଚିକର ମନ୍ତ୍ୟ ଦେଇଥିଲେ ବିଜେପି ସାଂସଦ ରମେଶ ବିଧୂରୀ। ତା’ପରେ ଦାନିଶ ଅଲୀ ଖବରରେ ରହିଥିଲେ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos