ପୂରା ଦେଶରେ ହଇଚଇ ସୃଷ୍ଟି କରିଥିବା ନିଟ-ୟୁଜି ପେପର ଲିକ୍ ମାମଲାରେ ସିବିଆଇ ଗ୍ରହଣ କରିଛି ବଡ଼ କାର୍ଯ୍ୟାନୁଷ୍ଠାନ। ଏହି ମାମଲାରେ ସିବିଆଇ ପ୍ରଥମଥର ପାଇଁ ଗିରଫଦାରୀ କରିଛି। ସିବିଆଇ ପକ୍ଷରୁ ବିହାରର ପାଟଣାରୁ ୨ ଜଣଙ୍କୁ ଗିରଫ କରାଯାଇଛି। ଗିରଫ ଦୁଇ ଅଭିଯୁକ୍ତ ହେଲେ ମନୀଷ କୁମାର ଓ ଆଶୁତୋଷ କୁମାର।
ମିଳିଥିବା ସୂଚନା ଅନୁସାରେ, ଗିରଫ ଦୁଇ ଅଭିଯୁକ୍ତଙ୍କୁ କୋର୍ଟରେ ହାଜର କରାଇ ସିବିଆଇ ରିମାଣ୍ଡରେ ମଧ୍ୟ ନେଇଛି। ଗିରଫ ହୋଇଥିବା ମନୀଷ କୁମାର ପେପର ଲିକ୍ର ଅନ୍ୟତମ କାର୍ପଟଦାର ବୋଲି କୁହାଯାଉଛି। କାରଣ ଦୁର୍ନୀତିରେ ସାମିଲ ଥିବା ଏକାଧିକ ଶିକ୍ଷାର୍ଥୀଙ୍କ ପାଇଁ ମନୀଷ ହିଁ ପାଟନାରେ ରୁମ ବୁକିଂ କରିଥିଲା।
Also Read
ସେ ନିଜ କାରରେ ପିଲାମାନଙ୍କୁ ନେବା ସହ ଖାଲି ରହିଥିବା ଗୋଟିଏ ସ୍କୁଲରେ ସେମାନଙ୍କୁ ରଖିଥିଲା। ସେଠାରେ ପିଲାମାନଙ୍କୁ ନିଟ ପ୍ରଶ୍ନପତ୍ର ସହ ଉତ୍ତର ମଧ୍ୟ ଯୋଗାଇ ଦିଆଯାଇଥିଲା। ତେଣୁ ସିବିଆଇ ତାଙ୍କୁ ଗିରଫ କରିଛି। ଆଶୁତୋଷ କୁମାର ମଧ୍ୟ ନିଜ ଘରେ କିଛି ପିଲାମାନଙ୍କର ରହିବାର ଦାୟିତ୍ୱ ତୁଲାଇ ଥିଲା।
ନିଟ୍ ୟୁଜି ପରୀକ୍ଷାରେ ୬୭ ଜଣ ପିଲା ୭୨୦ ମାର୍କ ରଖି ଟପ୍ କରିବା ପରେ ପ୍ରଶ୍ନପତ୍ର ଲିକ ଅଭିଯୋଗ ହୋଇଥିଲା। ଏହାକୁ ନେଇ ସାରା ଦେଶରେ ବିକ୍ଷୋଭ ହେଉଥିବା ବେଳେ ଘଟଣାର ତଦନ୍ତ ପାଇଁ ସିବିଆଇ ସ୍ୱତନ୍ତ୍ର ଟିମ ଗଠନ କରିଥିଲା।
ସିବିଆଇର ସ୍ୱତନ୍ତ୍ର ଟିମ ଏବେ ବିହାରରୁ ୨ ଜଣଙ୍କୁ ଗିରଫ କରିଛି। ସୋମବାର ନିଟ ପେପର ଲିକର ତଦନ୍ତ ଦାୟିତ୍ୱ କେନ୍ଦ୍ର ସରକାର ସିବିଆଇକୁ ହସ୍ତାନ୍ତର କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
