ଦିଲ୍ଲୀ ଓ ରାଜସ୍ଥାନ ସମେତ ୧୨ଟି ଠିକଣାରେ ରେଡ୍ କରିଛି ସିବିଆଇ। ଜମ୍ମୁ-କଶ୍ମୀରର ପୂର୍ବତନ ରାଜ୍ୟପାଲ ସତ୍ୟପାଲ ମଲିକଙ୍କ ୩ ସହଯୋଗୀଙ୍କ ଘରେ ମଧ୍ୟ ସିବିଆଇ ଛାନଭିନ କରିଛି। ଶ୍ରୀ ମଲିକଙ୍କ ପୂର୍ବତନ ପ୍ରେସ ସଚିବ, ଚାର୍ଟାଡ ଆକାଉଣ୍ଟାଣ୍ଟ ଓ ବ୍ୟକ୍ତିଗତ ସହାୟକଙ୍କ ଠିକଣାରେ ଏପରି ରେଡ୍ ହୋଇଛି।
କିରୁ ହାଇଡ୍ରୋ ଇଲେକ୍ଟ୍ରିସିଟି ପାୱାର ପ୍ରକଳ୍ପ ଦୁର୍ନୀତି ଘଟଣାରେ ସିବିଆଇ ଏପରି ପଦକ୍ଷେପ ନେଇଛି। ନିଜେ ସତ୍ୟପାଳ ମଲିକ ଏହି ପ୍ରକଳ୍ପରେ ଦୁର୍ନୀତି ହୋଇଥିବା ଅଭିଯୋଗ କରିଥିଲେ। ଏଥିସହ ଜମ୍ମୁ-କଶ୍ମୀର ରାଜ୍ୟପାଳ ଥିବା ବେଳେ ପ୍ରକଳ୍ପର ଲାଇସେନ୍ସ ବାତିଲ କରିଥିଲେ। ହେଲେ ଏବେ ତାଙ୍କରି ସହଯୋଗୀଙ୍କ ଘରେ ସିବିଆଇ ରେଡ୍ କରିବା ସମସ୍ତଙ୍କୁ ଚକିତ କରିଛି।
Also Read
ସତ୍ୟପାଲଙ୍କ ପ୍ରେସ ସଚିବ ଭାବେ ସୁନକ ବାଲି, ସିଏ ଭାବେ ଭିଏସ୍ ରାଣା ଓ ପିଏ ଭାବେ କେଏସ ରାଣା କାମ କରୁଥିଲେ। ସିବିଆଇ ଆଜି ଦିଲ୍ଲୀର ୧୦ଟି ଓ ରାଜସ୍ଥାନର ୨ଟି ସ୍ଥାନରେ ରେଡ୍ କରିଛି।
ତେବେ ୩ ପୂର୍ବତନ ସହଯୋଗୀଙ୍କ ଦିଲ୍ଲୀ ସ୍ଥିତ ଘର ଓ ଅନ୍ୟାନ୍ୟ ସ୍ଥାନରେ ଏପରି ରେଡ୍କୁ ସତ୍ୟପାଲ ମିଲିକ ନିନ୍ଦା କରିଛନ୍ତି। ସେ କହିଛନ୍ତି, “ପୂରା ଘଟଣାରେ ଅଭିଯୋଗକାରୀଙ୍କୁ ସିବିଆଇ ହଇରାଣ କରିବା ଦୁର୍ଭାଗ୍ୟଜନକ। ସୁନକ ବାଲି କୌଣସି ସରକାରୀ ଦରମା ନ ନେଇ ମୋ ପ୍ରେସ ପରାମର୍ଶଦାତା/ସଚିବ ଭାବେ କାମ କରୁଥିଲେ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
