ବିହାରର ସାରଣ ଜିଲ୍ଲାର ମୌତିରାଜପୁରସ୍ଥିତ ଏକ ମଦ୍ରାସାରେ ହୋଇଛି ଭୟଙ୍କର ବିସ୍ଫୋରଣ। ଏହି ବିସ୍ଫୋରଣରେ ମଦ୍ରାସାର ମୌଲାବୀଙ୍କ ମୃତ୍ୟୁ ହୋଇଥିବା ବେଳେ ଜଣେ ଛାତ୍ର ଗୁରୁତର ହୋଇଛନ୍ତି।
ବିସ୍ଫୋରଣ ପଛର କାରଣ ଜଣାପଡ଼ି ନ ଥିବା ବେଳେ ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି। ମାତ୍ର ବିସ୍ଫୋରଣ ପରେ ଘଟଣାସ୍ଥଳକୁ ଧୋଇ ଦିଆଯାଇଥିବାରୁ ପ୍ରମାଣ ନଷ୍ଟ ପାଇଁ ଉଦ୍ୟମ ହୋଇଥିବା ଅଭିଯୋଗ ହୋଇଛି।
Also Read
ମୌତିରାଜପୁରସ୍ଥିତ ମଦ୍ରାସାରେ ୧୨ ଛାତ୍ର ପଢ଼ୁଥିବା ବେଳେ ବିସ୍ଫୋରଣ ପରେ ସେମାନଙ୍କ ପତ୍ତା ମିଳୁନି। ଏହି ଘଟଣାକୁ ନେଇ ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଗିରିରାଜ ସିଂହ କହିଛନ୍ତି, ମଦ୍ରାସାରେ ହୋଇଥିବା ବିସ୍ଫୋରଣ ମାମଲାରେ ଏହା ପ୍ରମାଣିତ ହୋଇଛି ଯେ ମଦ୍ରାସା ଆତଙ୍କୀଙ୍କ ଆଡ୍ଡା ଅଟେ।
ମାତ୍ର AIMIM ନେତା ଅଖତରୁଲ ଇମାନ କହିଛନ୍ତି, ନିର୍ବାଚନ ସମୟରେ ମୁସଲମାନ ଓ ମଦ୍ରାସାକୁ ବଦନାମ କରିବା ପାଇଁ ଏପରି ଷଡଯନ୍ତ୍ର ରଚା ଯାଇଛି। ମଦ୍ରାସାରେ ବିସ୍ଫୋରଣ ଏକ ଭୟଙ୍କର ଷଡଯନ୍ତ୍ର ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
